పవన్ ఫ్యాన్స్ ఆశలన్నీ వీరమల్లు పైనే ?

    hari hara veera mallu

    పవన్ కళ్యాణ్ ప్రస్తుతం మొత్తంగా మూడు సినిమాలు చేస్తున్న విషయం తెలిసిందే. అవి సుజీత్ తీస్తున్న ఓజి, క్రిష్ మరియు జ్యోతి కృష్ణ తీస్తున్న హరి హర వీర మల్లు, అలానే హరీష్ శంకర్ తీస్తున్న ఉస్తాద్ భగత్ సింగ్. ఈ మూడు సినిమాల పై పవన్ ఫ్యాన్స్ తో పాటు సాధారణ ప్రేక్షకుల్లో కూడా బాగానే అంచనాలు ఉన్నాయి.

    కాగా ప్రస్తుతం ఆంధ్ర డిసిఎం గా బాధ్యతలతో ఎంతో బిజీగా కొనసాగుతున్న పవన్ కళ్యాణ్, ఈ సినిమాలకు సంబంధించి కొంత మేర షూటింగ్ పూర్తి చేసారు. కాగా వీటి యొక్క బ్యాలెన్స్ షూట్ ని ఆయన త్వరలో పూర్తి చేసేందుకు సిద్ధమవుతున్నారు. ఇక వీటిలో ముందుగా హరి హర వీర మల్లు మూవీ సమ్మర్ కానుకగా మే 9 న గ్రాండ్ గ విడుదల కానుంది.

    మెగా సూర్య ప్రొడక్షన్స్ బ్యానర్ పై ఏ ఎం రత్నం నిర్మిస్తున్న ఈ మూవీలో నిధి అగర్వాల్ హీరోయిన్. తాజాగా ఈ మూవీ నుండి రిలీజ్ అయిన రెండు సాంగ్స్ బాగానే రెస్పాన్స్ అందుకున్నాయి. అయితే వకీల్ సాబ్, భీమ్లా నాయక్ వంటి రీమేక్ ల అనంతరం తమ అభిమాన హీరో పవన్ నుండి వస్తున్న మూవీ కావడంతో ఆయన ఫ్యాన్స్ దీని పై ఎన్నో అంచనాలు పెట్టుకున్నారు.

    హిస్టారికల్ డ్రామాగా రూపొందుతున్న ఈ మూవీ విజయం ఖాయం అని నిర్మాత రత్నంతో పాటు హరి హర వీర మల్లు టీమ్ మొత్తం ఆశాభావం వ్యక్తం చేస్తోంది. మరి ఇది ఏ స్థాయిలో సక్సెస్ అవుతుందో తెలియాలి అంటే మరొక నెల వెయిట్ చేయాలి. 

    Follow on Google News Follow on Whatsapp




    Show comments
    Exit mobile version