నటసింహం నందమూరి బాలకృష్ణ హీరోగా మాస్ కమర్షియల్ సినిమాల దర్శకుడు బోయపాటి శ్రీను దర్శకత్వంలో తరుకెక్కుతున్న తాజా మాస్ యాక్షన్ సినిమా అఖండ 2. ఈ సినిమాలో సంయుక్త మీనన్ హీరోయిన్ గా నటిస్తుండగా యువనటుడు ఆది పినిశెట్టి విలన్ పాత్ర చేస్తున్నారు.
ఇప్పటికే అందర్లో భారీ అంచనాలు ఏర్పరచిన ఈ సినిమా నుంచి తాజాగా బాలకృష్ణ జన్మదినం సందర్భంగా రిలీజ్ అయిన ఫస్ట్ లుక్ టీజర్ మంచి రెస్పాన్స్ అందుకుంది. ఇందులో బాలకృష్ణ మార్క్ యాక్షన్, డైలాగ్స్ తోపాటు బోయపాటి మార్క్ ఎలివేషన్స్, భారీ ఫైట్స్ వంటివి ఆకట్టుకున్నాయి. ఓవరాల్ గా ఇప్పటివరకు అఖండ 2 మూవీపై ఉన్న అంచనాలను టీజర్ మరింతగా పెంచింది.
అయితే విషయం ఏమిటంటే టీజర్ లో సంగీత దర్శకుడు థమన్ అందించిన బ్యాక్ గ్రౌండ్ స్కోర్ ఎంతో లౌడ్ గా ఉందని పలువురు ప్రేక్షకాభిమానులు అభిప్రాయపడుతున్నారు. ఆఖండ 1 కి థమన్ అందించిన బ్యాక్ గ్రౌండ్ స్కోర్ కి మంచి స్పందన వచ్చింది.
అయితే టీజర్ లో ఆ స్థాయి రెస్పాన్స్ మాత్రం లభించకపోవడంతో ఓవరాల్ గా మూవీలో ఎంతమేర బీజీఎంతో అతడు అదరగొడతాడు అనేది అందరిలో ఆసక్తికరమైన చర్చకి దారితీస్తోంది. మరి సెప్టెంబర్ 25న గ్రాండ్ గా ఆడియన్స్ ముందుకు రానున్న అఖండ 2 ఎంతమేర విజయం అందుకుంటుందో తమన్ ఏ స్థాయిలో బ్యాక్ గ్రౌండ్ స్కోర్ తో అలరిస్తారో చూడాలి.
