నందమూరి బాలకృష్ణ.. దర్శకుడు గోపీచంద్ మలినేనితో కలిసి ఒక మాస్ ఎంటర్‌టైనర్ చేస్తున్న సంగతి తెలిసిందే. వారివురూ కలిసి చేస్తున్న తొలి సినిమా ఇది. ఈ సినిమాలో శృతి హాసన్ కథానాయికగా నటిస్తున్నారు.
నవీన్ యెర్నేని మరియు వై రవి శంకర్ నేతృత్వంలోని మైత్రీ మూవీ మేకర్స్ ఈ చిత్ర నిర్మాతలు. అయితే ప్రస్తుతం ఈ సినిమా విడుదల తేదీ విషయమై వీరు కాస్త ఇబ్బందులు ఎదుర్కొంటున్నారు. NBK107 తో పాటు మెగాస్టార్ చిరంజీవితో వాల్తేరు వీరయ్య సినిమా కూడా మైత్రీ మూవీ మేకర్స్ నిర్మిస్తున్నారు. రెండు సినిమాలు సమానమైన క్రేజ్ తో పాటు టాలీవుడ్‌లోని టాప్-లీగ్ స్టార్‌లను హీరోలుగా కలిగి ఉన్నాయి. అయితే, ఇద్దరు హీరోలు కూడా 2023 సంక్రాంతికి రావాలని పట్టుబట్టడం ఇప్పుడు నిర్మాతలకు చిక్కులు తెచ్చిపెడుతుంది.
ఎంత పండగ సీజన్ అయినా.. ఒకేసారి తమ సొంత రెండు సినిమాలను విడుదల చేస్తే థియేటర్ నిర్వహణ, ప్రచార కార్యక్రమాల విషయంలో చాలా గందరగోళం ఏర్పడుతుంది. అందుకే ఏ సినిమాని ఎప్పుడు విడుదల చేయాలనే విషయం మీద మైత్రీ మూవీ మేకర్స్ ఇప్పుడు తర్జనభర్జనలు పడుతున్నారు.
ముందుగా, క్రిస్మస్ సెలవుల సీజన్‌ను క్యాష్ చేసుకుని NBK107 సినిమాని డిసెంబర్ 23న విడుదల చేయాలనుకున్నారు. మరియు సంక్రాంతికి వాల్తేరు వీరయ్యను విడుదల చేయాలని నిర్మాతలు భావించారు. అయితే తాజాగా అందుతున్న సమాచారం ప్రకారం నందమూరి బాలకృష్ణ కూడా సంక్రాంతికి రావాలని కోరుకుంటున్నారని, సంక్రాంతి సీజన్‌ను మిస్ చేసుకోవద్దని నిర్మాతలకు సూచించినట్లు సమాచారం.
ఇప్పుడు మళ్లీ ఈ చిత్రాన్ని సంక్రాంతికి విడుదల చేసేందుకు మేకర్స్ ప్లాన్ చేస్తున్నట్టు కూడా వార్తలు వస్తున్నాయి. ఈ చిత్రానికి వీరసింహారెడ్డి అనే టైటిల్‌ని ఖరారు చేయగా, పోస్టర్‌తో కూడిన టైటిల్‌ను ఈ ఆదివారం (అక్టోబర్ 16) విడుదల చేసేందుకు సన్నాహాలు చేస్తున్నారు. దాంతో రిలీజ్ డేట్‌పై ఉన్న గందరగోళం తొలగిపోతుంది.
హైదరాబాద్‌లో జరగనున్న షెడ్యూల్ మినహా ఈ సినిమా షూటింగ్ దాదాపు పూర్తయింది. ఇటీవలే టర్కీలో ఓ మేజర్ షెడ్యూల్‌ను పూర్తి చేసుకుంది. విశ్వసనీయ వర్గాల సమాచారం ప్రకారం, ఈ తాజా షెడ్యూల్‌లో ప్రధాన జంటకు సంబంధించిన కీలక సన్నివేశాలను చిత్రీకరించనున్నారు.
ఈ సినిమాలో దునియా విజయ్, వరలక్ష్మి శరత్‌కుమార్, లాల్, చంద్రిక రవి తదితరులు కీలక పాత్రల్లో కనిపించనున్నారు. మైత్రీ మూవీ మేకర్స్ నిర్మిస్తున్న ఈ చిత్రానికి తమన్ సంగీతం అందించారు