అఖిల్ అక్కినేని తన తాజా పాన్ ఇండియా చిత్రం ఏజెంట్‌తో ముందుకు రావడానికి సిద్ధంగా ఉన్నారు. భారీ బడ్జెట్‌తో రూపొందిన ఈ చిత్రం, టైర్-2 హీరోలలో అత్యంత భారీ బడ్జెట్ చిత్రంగా తెరకెక్కింది. కాగా అంతర్గత వర్గాల మరియు ట్రేడ్ వర్గాల రిపోర్ట్‌ల ప్రకారం ఈ సినిమా బడ్జెట్ 80 కోట్లకు పైగానే ఉంటుందని అంటున్నారు. దాంతో ప్రీ రిలీజ్ బిజినెస్‌లో మంచి వ్యాపారం రాబడుతుందని అందరూ భావించారు.
నిర్మాతలు కూడా అలాగే భావించి ఒకానొక సమయంలో వారు ఈ చిత్రం యొక్క తెలుగు రాష్ట్రాల హక్కులను 60 కోట్ల రేషియోలో కోట్ చేసారు, కానీ తాజాగా వారు గాయత్రి ఫిల్మ్స్ కు తెలుగు రాష్ట్రాలు మరియు కర్ణాటక హక్కులను విక్రయించారు. కాగా తెలుగు రాష్ట్రాలను 35 కోట్లకు అమ్మారు, ఇది సినిమా బడ్జెట్‌ను పరిగణనలోకి తీసుకుంటే చాలా తక్కువ బిజినెస్ అని చెప్పవచ్చు. ఇక కర్ణాటక హక్కులు దాదాపు 4 కోట్లకు చేరుకోనున్నాయి.
ఒక విధంగా, ఇలా తక్కువ వ్యాపారం జరగడం కొనుగోలుదారులకు భారీ లాభాలను ఆర్జించడానికి సహాయపడుతుందని మనం చెప్పచ్చు. ఎందుకంటే ఈ సినిమా యొక్క జానర్ యాక్షన్ థ్రిల్లర్ కాబట్టి మంచి టాక్ వస్తే ఎవరూ ఊహించలేని స్థితిలో ప్రేక్షకులను ఆకర్షించగలదు.
అఖిల్ అక్కినేని యొక్క ఏజెంట్ నుండి మొదటి సింగిల్ ఇటీవల విడుదలైంది మరియు ఈ పాట పెప్పీ మరియు ఫుట్ ట్యాపింగ్ ట్యూన్‌తో ప్రేక్షకులను ఆకట్టుకుంది. చిత్ర నిర్మాతలు ఏర్పాటు చేసిన ట్విట్టర్ స్పేస్‌లో ఈ చిత్రం నుండి రొమాంటిక్ సింగిల్ అయిన మళ్ళీ మళ్ళీ పాట విడుదల చేయబడింది. ఆ స్పేస్ లో హీరో అఖిల్ కూడా ఉన్నారు. ఈ పాటను అఖిల్ మరియు సాక్షి వైద్య జంట పై చిత్రీకరించారు. అన్యదేశ ప్రదేశాలలో చిత్రీకరించబడిన ఈ పాటలో అద్భుతమైన దృశ్యాలు మరియు ఉల్లాసమైన సంగీతం ఉన్నాయి, కాగా ఈ సినిమా ఆల్బమ్‌కు గొప్ప ప్రారంభాన్ని అందించింది.
అఖిల్ ఏజెంట్ చిత్రానికి సురేందర్ రెడ్డి దర్శకత్వం వహించారు మరియు ఈ పాన్-ఇండియా యాక్షన్ థ్రిల్లర్‌ను ఎకె ఎంటర్‌టైన్‌మెంట్స్ మరియు సురేందర్ 2 సినిమా నిర్మిస్తున్నాయి. ఈ చిత్రం ఏప్రిల్ 2021 లో తిరిగి ప్రారంభించబడింది మరియు దాదాపు 2 సంవత్సరాల చిత్రీకరణ తర్వాత, ఈ చిత్రం యొక్క షూటింగ్ చివరి దశకు చేరుకుంది. కాగా మేజర్ యాక్షన్ సీక్వెన్స్ మినహా మిగిలిన షూటింగ్ అంతా పూర్తయిపోయింది.
ఈ చిత్రంలో మలయాళ స్టార్ మమ్ముట్టి కీలక పాత్రలో నటిస్తున్నారు. ఈ చిత్రంలో మమ్ముట్టి పాత్ర అఖిల్ అక్కినేని ఏజెంట్‌కి గురువులా ఉంటూ మొత్తం కథని నడిపిస్తుందట. ఏప్రిల్ 28న విడుదల కానున్న ఈ చిత్రానికి సురేందర్ రెడ్డి స్టైలిష్ టేకింగ్ ప్రధాన ఆకర్షణగా నిలవనుంది.