ప్రస్తుతం కెరీర్‌లో అద్భుతమైన దశలో ఉన్న మాస్ మహారాజా రవితేజ, త్వరలోనే రావణాసుర అనే యాక్షన్ థ్రిల్లర్‌తో ప్రేక్షకులను అలరించడానికి సిద్ధంగా ఉన్నారు. స్వామి రారా సినిమాతో గుర్తింపు తెచ్చుకున్న యువ దర్శకుడు సుధీర్ వర్మ ఈ చిత్రానికి మెగాఫోన్ పట్టారు. ఈరోజు రవితేజ అభిమానులకు, సినీ ప్రేమికులకు ఈ చిత్ర నిర్మాతలు శుభవార్త వెల్లడించారు.
రావణాసుర టీమ్ తాజా అప్‌డేట్ ఏమిటంటే, మార్చి 6న ఉదయం 10:08 గంటలకు ఈ సినిమా యొక్క టీజర్‌ను లాంచ్ చేయనున్నారు. ఇదే విషయాన్ని తెలియజేసేందుకు రవితేజ ఉన్న ఒక ఇంటెన్స్ పోస్టర్‌ను విడుదల చేశారు. రవితేజ ట్రెండీ వేషధారణతో పాటు మాస్ లుక్‌ ను మనం పోస్టర్‌లో చూడచ్చు. ఇప్పటికే షూటింగ్ పూర్తి చేసుకున్న ఈ సినిమాకు ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి.
ఈ మధ్యకాలంలో విడుదలైన రావణాసుర థీమ్ సాంగ్ ప్రేక్షకుల నుండి సంచలనాత్మక స్పందనను పొందింది మరియు ప్రాజెక్ట్ కోసం భారీ బజ్ సృష్టించింది. కూల్ బీట్‌లతో కూడిన ఈ ఫుట్-ట్యాపింగ్ పాట అందరి నుండి పెద్ద మన్ననలు పొందింది. హర్షవర్ధన్ రామేశ్వర్ సంగీతం అందించగా.. హారిక నారాయణ్ పాడిన ఈ పాట అందరినీ అలరించింది. ప్రత్యేకమైన పోస్టర్లు మరియు ప్రమోషనల్ కంటెంట్ కారణంగా ఈ చిత్రం ఇప్పటికే సినీ ప్రేమికులలో సాలిడ్ క్యూరియాసిటీని క్రియేట్ చేసింది, మరి టీజర్‌లో ప్రేక్షకుల కోసం టీమ్ ఇంకెన్ని ఆసక్తికరమైన అంశాలు ఉంచిందో వేచి చూడాలి.
రావణాసురలో సుశాంత్, అను ఇమాన్యుయేల్, మేఘా ఆకాష్, దక్షా నాగర్కర్, ఫరియా అబ్దుల్లా మరియు పూజిత పొన్నాడ కూడా నటించారు. ఈ ప్రాజెక్ట్‌కి సుధీర్ వర్మ దర్శకత్వం వహిస్తుండగా, రవితేజ యొక్క RT టీమ్ వర్క్స్ మరియు అభిషేక్ నామా ఈ చిత్రాన్ని నిర్మిస్తున్నారు. ఈ యాక్షన్ థ్రిల్లర్‌కి హర్షవర్ధన్ రామేశ్వర్ మరియు భీమ్స్ సిసిరోలియో సంగీతం సమకూరుస్తుండగా, విజయ్ కార్తీక్ కన్నన్ సినిమాటోగ్రఫీని నిర్వహిస్తున్నారు.