మాస్ మహారాజా రవితేజ ప్రస్తుతం సుధీర్ వర్మ దర్శకత్వంలో తన తదుపరి చిత్రం రావణాసుర సినిమా యొక్క ప్రమోషన్‌లో బిజీగా ఉన్నారు. ఏప్రిల్ 7, 2023న గ్రాండ్ థియేట్రికల్ రిలీజ్ కానున్న ఈ సినిమాలో మరో హీరో సుశాంత్ కీలక పాత్రలో కనిపించనున్నారు.
తాజా వార్త ఏమిటంటే, ఈ చిత్రం సెన్సార్ అయిందని మరియు అధిక స్థాయిలో హింసను కలిగి ఉన్నందుకు CBFC చిత్రానికి “A” సర్టిఫికేట్ ఇచ్చిందని తెలుస్తోంది. కాగా సినిమా రన్ టైమ్ ఇంకా తెలియలేదు. ఈ చిత్రానికి సెన్సార్ బోర్డు A రేటింగ్ ఇవ్వడం అందరినీ షాక్ కి గురి చేసింది.
ఎందుకంటే పోరాటాలు, హింస ఎక్కువగా ఉండే యాక్షన్ చిత్రాలకు మాత్రమే A రేటింగ్ వస్తుంది. కానీ రావణాసుర సినిమాకి A రేటింగ్ వస్తుందని ప్రేక్షకులు ఊహించలేదు. పాటలు, టీజర్, ట్రైలర్ అన్నీ చూసిన వారికి ఇదొక కమర్షియల్ ఎంటర్‌టైనర్‌గా అనిపించడంతో సినిమాకు U/A సర్టిఫికేట్ వస్తుందని అందరూ ఊహించారు.
ఈ చిత్రంలో ఫారియా అబ్దుల్లా, మేఘా ఆకాష్, అను ఇమ్మాన్యుయేల్, దక్షా నాగర్కర్, పూజిత పొన్నా కథానాయికలుగా నటిస్తున్నారు. జయరామ్, శ్రీరామ్, హైపర్ ఆది, హర్షవర్ధన్, మురళీ శర్మ, సంపత్ తదితరులు ముఖ్య పాత్రలు పోషించారు. అభిషేక్ పిక్చర్స్ మరియు RT టీమ్‌వర్క్స్ నిర్మించిన ఈ చిత్రానికి భీమ్స్ సిసిరోలియో మరియు హర్షవర్ధన్ రామేశ్వర్ సంగీత దర్శకులు.