పవన్ కళ్యాణ్, సుజీత్ కాంబినేషన్ లో డీవీవీ బ్యానర్ లో ఓ సినిమా తెరకెక్కుతున్న సంగతి తెలిసిందే. వచ్చే నెలలో ఈ సినిమా ప్రారంభం కానుందని సమాచారం. కాగా ఫుల్ లెంగ్త్ యాక్షన్ ఎంటర్ టైనర్ గా తెరకెక్కనున్న ఈ సినిమాకు సంబంధించి మరో ఇంట్రెస్టింగ్ న్యూస్ తాజాగా బయటకు వచ్చింది.
తాజా సమాచారం ప్రకారం ఈ సినిమాలో పవన్ కళ్యాణ్ ముంబై గ్యాంగ్ స్టర్ గా కనిపించనున్నారట. ఈ సినిమాలో పవన్ కళ్యాణ్ స్టైల్, ఆయన పోషించే పాత్ర కోసం అభిమానులు ఎంతో ఆసక్తిగా ఎదురుచూస్తున్నారు. కాగా ఈ సినిమాను రెండు భాగాలుగా తీయాలని నిర్మాతలు నిర్ణయం తీసుకున్నారు అని కూడా అంటున్నారు.
సాహో వంటి పరాజయం నుంచి దర్శకుడు సుజీత్ స్ట్రాంగ్ రీఎంట్రీ ఇవ్వాలనుకుంటున్నారు. ఈ సినిమాతో దర్శకుడిగా మరోసారి తన సత్తా ఏంటో నిరూపించుకోవాలనుకుంటున్నారు. ఒక దర్శకుడిగా మాత్రమే కాకుండా ఆయన పవన్ కళ్యాణ్ కు వీరాభిమాని కూడా కావడంతో సినిమా యొక్క కంటెంట్ పట్ల అభిమానులు చాలా పాజిటివ్ గా ఉన్నారు.
ప్రస్తుతానికి ఈ చిత్రానికి టైటిల్ పెట్టలేదు కానీ ఓజీ అనే పేరుతో ప్రచారంలో ఉంది . ఈ సినిమాలో యాక్షన్ సీక్వెన్స్ లకు చాలా స్కోప్ ఉంటుందని అన్నారు. జపాన్ బ్యాక్ డ్రాప్ లో తెరకెక్కనున్న ఈ సినిమాలో పవన్ కళ్యాణ్ సోదరుడి పాత్రలో ఓ యువ హీరో నటించనున్నట్లు సమాచారం. ఈ చిత్రానికి తమన్ సంగీతం అందించనున్నారు.
గ్యాంగ్ స్టర్ గా సినిమాల్లో పవన్ కళ్యాణ్ కు కనిపించడం ఇదే మొదటిసారి కాదు. గతంలో ఆయన నటించిన బాలు, పంజా చిత్రాలు గ్యాంగ్ స్టర్స్, గన్స్, యాక్షన్ బ్యాక్ డ్రాప్ లో ఉంటాయి. అయితే ఆ సినిమాలు పెద్దగా సక్సెస్ కాలేదు కానీ పైన చెప్పినట్టు ఈ సినిమాతో సుజీత్ ఖచ్చితంగా బ్లాక్ బస్టర్ అందిస్తాడనే ఫీలింగ్ పవన్ అభిమానుల్లో ఉంది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.