నివేతా థామస్, రెజీనా కసాండ్రా నటించిన శాకిని డాకిని చిత్రం ఈ నెల ప్రారంభంలో విడుదలైన సంగతి తెలిసిందే. కాగా ఈ చిత్రానికి ఆకట్టుకునే ప్రచార కార్యక్రమాలను జరిపినప్పటికీ.. బాక్సాఫీస్ వద్ద ప్రభావం చూపలేకపోయింది. ఈ చిత్రం పేలవమైన సమీక్షలతో పాటు ప్రేక్షకుల నుంచి కూడా చప్పని స్పందనను తెచ్చుకుంది. తద్వారా బాక్సాఫీస్ వద్ద పరాజయం చవి చూసింది. ఈ సినిమా తెరకెక్కించే విధానంలో దర్శకుడికి, నిర్మాతలకి మధ్య విభేదాలు వచ్చినట్టు పుకార్లు వచ్చాయి.
కాగా శాకిని డాకిని ఇప్పుడు OTT ప్లాట్‌ఫామ్‌లో విడుదల కావడానికి సిద్ధమవుతోంది. సెప్టెంబర్ 30న ఈ చిత్రం నెట్‌ఫ్లిక్స్‌లో విడుదల కానుంది. ఆ రకంగా ఈ చిత్రం కూడా ఓటిటి విడుదలకు సంబంధించిన కొత్త నిభందనలకు విరుద్ధంగా రెండు వారాలకు ఓటిటిలో విడుదల కావడం గమనార్హం. ఈ చిత్రం కొరియన్ సినిమా మిడ్‌నైట్ రన్నర్స్‌కి రీమేక్ గా తెరకెక్కింది.
‘ఓ బేబీ’ వంటి విజయవంతమైన సినిమా తర్వాత సురేష్ ప్రొడక్షన్స్, గురు ఫిల్మ్స్, క్రాస్ పిక్చర్స్ సంయుక్తంగా ఈ సినిమాని నిర్మించారు. సురేష్ బాబు, సునీత తాటి, హ్యున్‌వూ థామస్ కిమ్ నిర్మాతలుగా వ్యవహరించారు. విలక్షణమైన కథలతో సినిమాలు తీస్తారని పేరు తెచ్చుకున్న సుధీర్ వర్మ ఈ చిత్రానికి దర్శకత్వం వహించారు.
శాకిని డాకిని సినిమాలో నివేదా థామస్ మరియు రెజీనా కసాండ్రా ఇద్దరూ పోలీస్ ట్రైనీలుగా నటించారు. మొదట ఒకరిని ఒకరు తిట్టుకోవడం, పొట్లాడడం ఆ తర్వాత స్నేహితులుగా మారిన తర్వాత.. అనుకోని పరిస్థితుల్లో ఒక క్రైమ్ సిండికేట్ తో తలపడడం వంటి అంశాలతో ఈ సినిమా రూపొందించబడింది.
కథ బాగున్నా, కొంతవరకు కామెడీ సన్నివేశాలు కూడా పండినా.. ఇన్వెస్టిగేషన్ కు సంభందించిన సన్నివేశాలు ప్రేక్షకులను ఆకట్టుకోవడంలో విఫలమయ్యాయి. కాకపోతే ఈ రెజీనా, నివేదాల నటన, యాక్షన్ సన్నివేశాలలో వారు పడ్డ కష్టానికి మాత్రం ప్రశంసలు దక్కాయి. కాగా ఈ చిత్రం సెప్టెంబర్ 30వ తేదీ నుంచి నెట్ ఫ్లిక్స్ ఫ్లాట్ ఫారమ్ లో తెలుగు, తమిళ, మలయాళం భాషల్లో విడుదల కానుంది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.