యువ నటుడు నితిన్ హీరోగా శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు గ్రాండ్ లెవెల్ లో నిర్మిస్తున్న తాజా సినిమా తమ్ముడు. ఈ సినిమాని వకీల్ సాబ్ మూవీ ఫేమ్ వేణు శ్రీరామ్ తెరకెక్కిస్తుండగా లయ ఇందులో ఒక కీలక పాత్రలో నటిస్తున్నారు.
కాంతారా మూవీ ఫేమ్ సప్తమి గౌడ హీరోయిన్ గా నటిస్తున్న ఈ సినిమా జూలై 4న గ్రాండ్ గా ఆడియన్స్ ముందుకు రానున్న విషయం తెలిసిందే. ఇప్పటికే ట్రైలర్ తో మంచి ఇంట్రెస్ట్ ఏర్పరచిన ఈ సినిమా సాంగ్స్ ఒకటొకటిగా రిలీజ్ చేస్తుంది టీమ్.
తాజాగా ఒక ఇంటర్వ్యూలో భాగంగా తమ్ముడు మూవీ గురించి దిల్ రాజు మాట్లాడుతూ ఈ సినిమా ఆడియన్స్ కి కచ్చితంగా మంచి ఎక్స్పీరియన్స్ అందిస్తుందని అలానే ఎంగేజింగ్ గా సాగే ఈ సినిమాకి ఓవరాల్ గా రూ. 75 కోట్ల బడ్జెట్ పెట్టినట్టు చెప్పుకొచ్చారు.
మరోవైపు బిజినెస్ పరంగా కూడా బాగానే సేల్స్ జరిగిన ఈ సినిమా రిలీజ్ అనంతరం ఖచ్చితంగా పెద్ద విజయం అందుకుంటుందని దిల్ రాజు ఆశాభావం వ్యక్తం చేసారు. మరి ఇటీవల వరుసగా ప్లాపులతో సతమతం అవుతున్న నితిన్, తమ్ముడు మూవీతో ఏ స్థాయిలో విజయం అందుకుంటారో చూడాలి.
