కోలీవుడ్ నటుడు కార్తీ హీరోగా పిఎస్ మిత్రన్ దర్శకత్వంలో తెరకెక్కి 2022లో ఆడియన్స్ ముందుకు వచ్చిన యాక్షన్ ఎంటర్టైనర్ సినిమా సర్దార్. అప్పట్లో మంచి విజయం అందుకున్న ఈ సినిమాకి తాజాగా రూపొందుతున్న సీక్వెల్ సర్దార్ 2. ఫస్ట్ పార్ట్ మూవీ విజయంతో ఈ సినిమాపై అందరిలో కూడా విశేషమైన అంచనాలు ఏర్పడ్డాయి.
అయితే ఇటీవల గ్రాండ్ గా ప్రారంభమైన ఈ సినిమా షూటింగ్ మొన్నటితో మొత్తం పూర్తి చేసుకుంది. ఇక ఈ సినిమాలో విలక్షణ నటుడు స్ జె సూర్య నెగిటివ్ పాత్ర చేస్తుండగా ఆషిక రంగనాథ్ అలానే మాళవిక మోహనన్ హీరోయిన్స్ గా నటిస్తున్నారు. ఈ ఏడాది లోనే సర్దార్ 2 ఆడియన్స్ ముందుకు వచ్చే అవకాశం ఉంది.
అందుతున్న సమాచారాన్ని బట్టి డిసెంబర్ లో సర్దార్ 2 రిలీజ్ అవుతుందని అంటున్నారు. మరోవైపు ఈ సినిమాకు సంబంధించి అతి త్వరలో ఒక్కొక్కటిగా కంటెంట్ ని రిలీజ్ చేసి ఫ్యాన్స్ ఆడియన్స్ లో మరింత జోష్ నింపి సినిమాపై అంచనాలు మరింత పెంచేందుకు సర్దార్ తో టీం అయితే సిద్ధం అవుతుంది. మరి ఈ మూవీతో కార్తీ ఏస్థాయి సక్సెస్ సొంతం చేసుకుంటారో చూడాలి.
