మంచు విశాను హీరోగా 24 ఫ్రేమ్స్ ఫ్యాక్టరీ, ఏ వి ఏ ఎంటర్టైన్మెంట్స్ సంస్థల పై గ్రాండ్ గా రూపొందుతోన్న లేటెస్ట్ మైథలాజికల్ యాక్షన్ ఎంటర్టైనర్ మూవీ కన్నప్ప. ఈ మూవీలో మోహన్ బాబు, ప్రభాస్, కాజల్ అగర్వాల్, మోహన్ లాల్, శరత్ కుమార్, అక్షయ్ కుమార్ తదితరులు కీలక పాత్రలు పోషిస్తున్న ఈ మూవీ ఏప్రిల్ 25న గ్రాండ్ గా పలు భాషల ఆడియన్స్ ముందుకి వచ్చేందుకు సిద్ధమవుతోంది.
ఇక ఇటీవల కన్నప్ప నుండి రిలీజ్ అయిన ఫస్ట్ గ్లింప్స్ టీజర్, ఫస్ట్ సాంగ్, పాత్రధారుల పోస్టర్స్ అన్ని కూడా అందరినీ ఆకట్టుకుని మూవీ పై మంచి అంచనాలు ఏర్పరిచాయి. అయితే విషయం ఏమిటంటే, నేడు ఈ మూవీ యొక్క టీజర్ ని రిలీజ్ చేసారు మేకర్స్. ముఖ్యంగా టీజర్ లోని అంశాలు అన్ని కూడా ఆకట్టుకునే విధంగా ఉండడంతో పాటు మూవీ పై ఇప్పటివరకు ఉన్న అంచనాలు మరింతగా పెంచేసాయి.
టీజర్ లో సినిమాలోని దాదాపుగా పాత్రధారులు అందరినీ కూడా కొన్ని క్షణాలు చూపించడంతో పాటు విజువల్స్, బ్యాక్ గ్రౌండ్ స్కోర్, అందరి నటన ఆకట్టుకున్నాయి. ప్రస్తుతం ఈ టీజర్ యూట్యూబ్ లో మంచి రెస్పాన్స్ సొంతం చేసుకుంటోంది. ఇందులో మంచు విష్ణు తిన్నడు పాత్ర చేస్తుండగా రుద్రగా ప్రభాస్, మహాశివుడిగా అక్షయ్ కుమార్ కనిపించనున్నారు. మరి రిలీజ్ అనంతరం కన్నప్ప ఎంతమేర విజయం సొంతం చేసుకుంటుందో చూడాలి.