ఉపేంద్ర, కిచ్చా సుదీప్ మరియు శ్రియ శరణ్ నటించిన కన్నడ సినిమా కబ్జా మార్చి 17, 2023న థియేటర్లలో విడుదలైన సంగతి తెలిసిందే. కాగా ఈ చిత్రం ఇప్పటికీ సినిమా థియేటర్లలో అందుబాటులో ఉంది. అయితే మార్చిలో, అమెజాన్ ప్రైమ్ వీడియో ప్లాట్ ఫారం కబ్జా డిజిటల్ స్ట్రీమింగ్ హక్కులను పొందినట్లు నిర్ధారించబడింది. ఇక తాజాగా అందుతున్న సమాచారం ప్రకారం ఈ సినిమా ఓటీటీలో రిలీజ్ డేట్ ఫిక్స్ అయ్యిందని తెలుస్తోంది.
ప్రముఖ స్ట్రీమింగ్ సర్వీస్ అమెజాన్ ప్రైమ్ వీడియో శాండల్‌వుడ్ కబ్జా చిత్రాన్ని ఓటీటీలో ప్రసారం చేయనుంది. ఈ చిత్రం ప్రైమ్ లో విడుదలయ్యే తేదీ ఏప్రిల్ 14, 2023 అని నివేదికలు సూచిస్తున్నాయి. అయినప్పటికీ, ఈ విషయానికి సంబంధించి అధికారిక ధృవీకరణ ఇంకా రావాల్సి ఉంది.
కబ్జా సినిమా గొప్పగా ప్రచారం చేయబడింది, అయితే ఈ చిత్రం బాక్సాఫీస్ వద్ద భారీ డిజాస్టర్‌గా నిలిచింది. ప్రేక్షకులు సినిమాలో ఉన్న కంటెంట్‌తో చాలా నిరుత్సాహానికి గురయ్యారు, ఎందుకంటే కనీస స్థాయిలో కూడా లేకుండా ప్రశాంత్ నీల్ యొక్క కేజీఫ్ సిరీస్‌కి అనుకరణగా ఉందని విమర్శలు సంపాదించింది.
ఆర్.చంద్రు దర్శకత్వం వహించిన కబ్జా సినిమాని అలంకార్ పాండియన్, ఆనంద్ పండిట్ మరియు ఆర్.చంద్రు నిర్మించారు. ఈ చిత్రంలో ఉపేంద్ర, శివ రాజ్‌కుమార్, కిచ్చా సుదీప్, శ్రియా శరణ్, దేవ్ గిల్, కబీర్ దుహన్ సింగ్, సుధ, నవాబ్ షా, కోట శ్రీనివాసరావు, సునీల్ పురాణిక్, మురళీ శర్మ తదితరులు నటించారు.
శ్రీ సిద్ధేశ్వర ఎంటర్‌ప్రైజెస్, ఆనంద్ పండిట్ మోషన్ పిక్చర్స్, ఇన్వెనియో ఆరిజిన్ బ్యానర్‌ల పై ఈ చిత్రాన్ని నిర్మించారు. ఈ చిత్రాన్ని కిచ్చా సినిమాస్ (కన్నడ), ఆనంద్ పండిట్ మోషన్ పిక్చర్స్ (హిందీ), లైకా ప్రొడక్షన్స్ (తమిళం), ఇ4 ఎంటర్‌టైన్‌మెంట్ (మలయాళం), రుచిరా ఎంటర్‌టైన్‌మెంట్స్ ఎన్ సినిమాస్ (తెలుగు) వివిధ భాషల్లో పంపిణీ చేశాయి.