నాచురల్ స్టార్ నాని హీరోగా అందాల నటి శ్రీనిధి శెట్టి హీరోయిన్ గా యువ దర్శకుడు శైలేష్ కొలను దర్శకత్వంలో తెరకెక్కిన లేటెస్ట్ క్రైమ్ యాక్షన్ థ్రిల్లర్ మూవీ హిట్ 3. ఈ మూవీలో రావు రమేష్, సూర్య శ్రీనివాస్, అదిల్ పల, సముద్రఖని, కోమలీ ప్రసాద్ తదితరులు కీలక పాత్రలు చేసారు.
మీక్కి జె మేయర్ మ్యూజిక్ అందించిన ఈ మూవీ ఇటీవల ఆడియన్స్ ముందుకి వచ్చి ఫస్ట్ డే నుండి సక్సెస్ టాక్ అందుకుంది. ఈ మూవీలో అర్జున్ సర్కార్ పాత్రలో నాని కనబరిచిన యాక్టింగ్ కి అందరి నుండి మంచి పేరు లభిస్తోంది. ఇక దాదాపుగా ప్రస్తుతం అన్ని ఏరియాల్లో కూడా హిట్ 3 మూవీ మంచి కలెక్షన్ తో దూసుకుపోతోంది. ఓపెనింగ్ డే రూ. 38 కోట్లు రాబట్టిన ఈ మూవీ రెండవ రోజు రూ. 16 కోట్లు కొల్లగొట్టింది.
వీకెండ్ కావడంతో మొత్తంగా రెండు రోజుల్లో రూ. 55 కోట్ల గ్రాస్, రూ. 30 కోట్ల షేర్ అందుకుంది ఈమూవీ. ఇక నాలుగు రోజుల్లో ఈ మూవీ రూ. 90 కోట్లు చేరుకునే అవకాశం ఉంది. మొత్తంగా ఫస్ట్ వీకెండ్ లో హిట్ 3 మూవీ రూ.100 కోట్ల గ్రాస్ మార్క్ ని చేరుకునే అవకాశం గట్టిగా కనపడుతోంది. ప్రస్తుతం ఈ మూవీ యొక్క కలెక్షన్ పరిస్థితిని చూస్తే ఓవరాల్ గా ఇది రూ. 150 కోట్ల క్లోజింగ్ చ్చెరుకోవచ్చని తెలుస్తోంది.