Home సినిమా వార్తలు Game Changer Leaks: వరుస లీక్స్ తో సతమతమవుతున్న ‘గేమ్ ఛేంజర్’ టీమ్

Game Changer Leaks: వరుస లీక్స్ తో సతమతమవుతున్న ‘గేమ్ ఛేంజర్’ టీమ్

Game Changer Leaks

మెగాపవర్ స్టార్ రామ్ చరణ్ హీరోగా కియారా అద్వానీ హీరోయిన్ గా ప్రముఖ దర్శకుడు శంకర్ దర్శకత్వంలో తెరకెక్కుతున్న లేటెస్ట్ భారీ పాన్ ఇండియన్ యాక్షన్ పొలిటికల్ ఎంటర్టైనర్ మూవీ గేమ్ ఛేంజర్. ఈ మూవీలో ఎస్ జె సూర్య, సునీల్, అంజలి, శ్రీకాంత్ తదితరులు కీలక పాత్రలు చేస్తుండగా ఇందులో ఐఏఎస్ అధికారి రామ్ నందన్ పాత్రలో కనిపించనున్నారు రామ్ చరణ్. ఎస్ థమన్ సంగీతం అందిస్తున్న ఈ మూవీని శ్రీ వెంకటేశ్వర క్రియేషన్స్ బ్యానర్ పై దిల్ రాజు గ్రాండ్ గా నిర్మిస్తున్నారు.

ఇప్పటికే షూటింగ్ చివరి దశకు చేరుకున్న ఈమూవీని ఈ ఏడాది ఆడియన్స్ ముందుకి తీసుకువచ్చేందుకు మేకర్స్ సన్నాహాలు చేస్తున్నారు. అయితే మ్యాటర్ ఏమిటంటే, కొన్నాళ్ల క్రితం ఈ మూవీ సెట్స్ నుండి పలు సీన్స్ తాలూకు ఫోటోలు వీడియోస్, ఫస్ట్ సాంగ్ ఆడియో సోషల్ మీడియాలో లీక్ అయి చక్కర్లు కొట్టాయి. ఇక తాజాగా ఈ మూవీ నుండి ఎయిర్పోర్ట్ లో చిత్రీకరిస్తున్న మరొక సీన్ యొక్క ఫుటేజీ లీక్ అయి సోషల్ మీడియాలో విపరీతంగా వైరల్ అవుతోంది.

మొత్తంగా ఈ విధంగా తమ హీరో మూవీ నుండి వరుసగా సీన్స్ లీకుల బారిన పడుతుండడంతో చరణ్ ఫ్యాన్స్ నిరాసక్తత వ్యక్తం చేస్తున్నారు. ఇకపై గేమ్ ఛేంజర్ టీమ్ ఈ విషయమై మరింత గట్టి జాగ్రత్తలు తీసుకోవాలని వారు కోరుతున్నారు. మరి మూవీ టీమ్ ఇకపై ఎలా వ్యవహరిస్తుందో చూడాలి.

Follow on Google News Follow on Whatsapp




Show comments
Exit mobile version