పవర్ స్టార్ పవన్ కళ్యాణ్ నటిస్తున్న ఉస్తాద్ భగత్ సింగ్ సినిమా షూటింగ్ ఎట్టకేలకు ప్రారంభమైంది. స్టార్ డైరెక్టర్ హరీష్ శంకర్ ఈ సినిమాకు దర్శకుడు. ఈ రోజు ఈ సినిమా రెగ్యులర్ షూటింగ్ ప్రారంభమైందని హరీష్ శంకర్ తన ట్విట్టర్ ఖాతా ద్వారా తెలియజేశారు. ఈ విషయాన్ని తెలియజేసేందుకు ‘ ఎన్నాళ్ళో వేచిన ఉదయం’ వీడియో సాంగ్ ను షేర్ చేయడం విశేషం. ఈరోజు అల్యూమినియం ఫ్యాక్టరీలో షూటింగ్ ప్రారంభించిన ఈ చిత్రాన్ని సంక్రాంతికి విడుదల చేయాలని నిర్మాతలు భావిస్తున్నారు.
ఈ సినిమా షూటింగ్ స్టార్ట్ చేయడానికి చాలా కాలం ఎదురు చేయాల్సి రావడంతో హరీష్ శంకర్ ఎంతో ఆనందంగా ఉన్నట్లు స్పష్టమవుతోంది. చాలా రోజుల క్రితం పవన్ తో భవధీయుడు భగత్ సింగ్ ను ప్రకటించారు హరీష్. అయితే ఆ టైటిల్, సబ్జెక్ట్ మారడంతో ఈ సినిమాకు ఉస్తాద్ భగత్ సింగ్ అనే కొత్త టైటిల్ పెట్టారు.
తమిళ చిత్రం తెరికి రీమేక్ గా తెరకెక్కుతున్న ఈ చిత్రంలో తెలుగు ప్రేక్షకులకు తగ్గట్టు కొన్ని మార్పులు చేర్పులు చేశారట. నిజానికి పవర్ స్టార్ పవన్ కళ్యాణ్ అభిమానులు, ఇతర తటస్థ ప్రేక్షకులు కూడా ఈ రీమేక్ తో అస్సలు సుముఖంగా లేరు. అయితే హరీష్ శంకర్ అండ్ టీం మాత్రం ఇదొక రీమేక్ సినిమా అని ప్రేక్షకులు మర్చిపోయేలా సినిమాలో చాలా మార్పులు చేశారనే నమ్మకంతో ఉన్నారు.
ఈ సినిమాలో శ్రీలీల హీరోయిన్ గా నటిస్తున్నట్లు వార్తలు రాగా, దీని పై అధికారిక ప్రకటన రావాల్సి ఉంది. దేవిశ్రీ ప్రసాద్ సంగీతం అందిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ ఈ చిత్రాన్ని భారీ స్థాయిలో నిర్మిస్తోంది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.