కాంతార చిత్రం ఎలాంటి సంచలనం సృష్టించింది అనేది ప్రత్యేకంగా చెప్పనవసరం లేదు. కన్నడ సినిమాగా విడుదలై ప్యాన్ ఇండియా బ్లాక్ బస్టర్ గా నిలిచిన ఈ సినిమాకి తెలుగు మరియు హిందీ బెల్ట్ నుండి అపారమైన ప్రశంసలు లభించాయి. కాగా గత కొన్ని రోజులుగా కాంతార OTT విడుదల కోసం ప్రేక్షకులు ఎదురు చూస్తున్నారు.
కానీ అది ఇప్పటికే రెండు సార్లు వాయిదా పడింది. ఇక తాజాగా కాంతార చిత్రం నవంబర్ 24 నుండి ప్రీమియర్‌గా ప్రదర్శించబడుతుందని అమెజాన్ ప్రైమ్ సంస్థ అధికారికంగా ధృవీకరించింది.
కాంతార సినిమా దక్షిణ భారత సంస్కృతిలో లోతుగా పాతుకుపోయిన కథతో కూడిన ఫాంటసీ థ్రిల్లర్. ఈ చిత్రం దైవిక శక్తులచే రక్షించబడిన భూమిని బలపరిచే గిరిజనుల జీవితాలను వర్ణిస్తుంది.
రిషబ్ శెట్టి ఈ మాస్ ఎంటర్‌టైనర్‌కి రచయిత, దర్శకుడు మరియు కథానాయకుడుగా వ్యవహారించారు. ఆయన డబుల్ యాక్షన్ దేశవ్యాప్తంగా ప్రేక్షకులను థ్రిల్ చేసింది మరియు 400 కోట్లకు పైగా వసూలు చేసి భారీ బాక్సాఫీస్ విజయాన్ని సాధించింది.
సప్తమి గౌడ కథానాయికగా నటించిన కాంతార భారీ బడ్జెట్‌తో తెరకెక్కిన ఈ సినిమాకు బాక్సాఫీస్ వద్ద అనూహ్యమైన లాభాలు వచ్చాయి. రిషబ్ శెట్టి టాలీవుడ్‌తో పాటు బాలీవుడ్‌కు పెద్దగా తెలియని హీరో అయినప్పటికీ, ఈ చిత్రం టైర్ 2 హీరోలతో సమానంగా కలెక్షన్లు రాబట్టింది. ఇక బాలీవుడ్‌లో ఈ సినిమా రన్ చూసి అటు ట్రేడ్ వర్గాలతో పాటు ఇండస్ట్రీ వర్గాలు కూడా ఆశ్చర్యపోయాయి.
కాంతార చిత్రం బాక్సాఫీస్ వద్ద భారీ విజయంతో పాటు ప్రేక్షకుల హృదయాలను చూరగొంటుంది, హోంబలే ఫిల్మ్స్ నిర్మించిన ఈ చిత్రం ప్రపంచవ్యాప్తంగా తనదైన ప్రత్యేక ఆకర్షణను నెలకొల్పింది. ఈ చిత్రం వివిధ పరిశ్రమల ప్రముఖుల నుండి గొప్ప సమీక్షలను అందుకుంటున్నప్పటికీ, సూపర్ స్టార్ రజనీకాంత్ రిషబ్ శెట్టిని తన చెన్నై నివాసంలో వ్యక్తిగత సమావేశానికి పిలిచి, అతని సూపర్ సక్సెస్ కోసం బంగారు గొలుసు మరియు లాకెట్‌ను బహుమతిగా ఇవ్వడంతో రిషబ్ శెట్టికి అతిపెద్ద కాంప్లిమెంట్ వచ్చింది.
అలాగే 50 ఏళ్లకు ఒకసారి వచ్చే సినిమా అంటూ కాంతార పై రజినీకాంత్ ప్రశంసలు కురిపించారు. ఈ ఉదంతం ‘కాంతార’ యొక్క పెరుగుతున్న వైభవానికి అదనపు బలాన్ని జోడించింది