కళ్యాణ్ రామ్ నటించిన అమిగోస్ రేపు థియేటర్లలో విడుదల కానున్న సంగతి తెలిసిందే. అయితే ఈ సినిమా అడ్వాన్స్ బుకింగ్స్ మాత్రం చాలా దారుణంగా ఉన్నాయి. ఇది అటు నందమూరి అభిమానుల కానీ.. సాధారణ ప్రేక్షకుల కానీ ఆశించిన పరిస్థితి కానే కాదు.
బింబిసార లాంటి బ్లాక్ బస్టర్ సినిమా తర్వాత కళ్యాణ్ రామ్ నటించిన సినిమా అయిన అమిగోస్ ప్రేక్షకుల్లో ఆశించిన బజ్ క్రియేట్ చేయలేకపోవడం ఆశ్చర్యం కలిగించే విషయం అనే చెప్పాలి. నిజానికి ఈ సినిమా ట్రైలర్, కళ్యాణ్ రామ్ లుక్ పర్ఫెక్ట్ గా అనిపించినా సినిమాకు ఈ టైటిల్ యే ప్రధాన లోపం అని చెప్పొచ్చు.
నిజానికి ఆడియో కూడా సరిగా క్లిక్ కాలేదు. ఇక అమిగోస్ ప్రేక్షకులను థియేటర్లకు రప్పించి సక్సెస్ ఫుల్ సినిమాగా నిలవాలంటే ఇప్పుడు ఈ సినిమాకి సూపర్ స్ట్రాంగ్ మౌత్ టాక్ కావాలి. ఈ రోజుల్లో మార్నింగ్ షోల నుంచి మంచి టాక్ రాకపోతే చిన్న, కొత్త తరహా సినిమాలు బాక్సాఫీస్ వద్ద నిలదొక్కుకోవడం చాలా కష్టంగా మారింది.
ఒకేలా ముగ్గురు వ్యక్తులు కనిపించడం అనే ఇంట్రెస్టింగ్ కాన్సెప్ట్ తో తెరకెక్కిన ఈ చిత్రానికి నూతన దర్శకుడు రాజేంద్ర రెడ్డి దర్శకత్వం వహించారు. మైత్రీ మూవీ మేకర్స్ నిర్మించిన ఈ సినిమాతో శాండల్ వుడ్ బ్యూటీ ఆషికా రంగనాథ్ తెలుగు సినిమా పరిశ్రమకు పరిచయం కానున్నారు. కోలీవుడ్ సంగీత దర్శకుడు జిబ్రాన్ ఈ చిత్రానికి బాణీలు సమకూర్చారు.