యంగ్ టైగర్ ఎన్టీఆర్ లేటెస్ట్ మూవీ దేవర నిన్న మంచి అంచనాలతో ఆడియన్స్ ముందుకి వచ్చింది. మిక్స్డ్ టాక్ సొంతం చేసుకున్న ఈ మూవీకి కొరటాల శివ దర్శకత్వం వహించగా జాన్వీ కపూర్ హీరోయిన్ గా నటించారు. అనిరుద్ సంగీతం అందించిన ఈ మూవీని యువ సుధా ఆర్ట్స్, ఎన్టీఆర్ ఆర్ట్స్ సంస్థలు గ్రాండ్ లెవెల్లో నిర్మించాయి.
కాగా దేవర పార్ట్ 1 లో రెండు పాత్రల్లో కనిపించి మరొక్కసారి తన అద్భుత పెర్ఫార్మన్స్ తో అందరినీ మెప్పించారు ఎన్టీఆర్. శ్రీకాంత్, ప్రకాష్ రాజ్, సైఫ్ ఆలీ ఖాన్, మురళి శర్మ తదితరులు ఇతర పాత్రలు పోషించిన దేవర డే 1 తెలుగు స్టేట్స్ లో సంచలనం సృష్టించింది. ముఖ్యంగా భారీ మూవీ ఆర్ఆర్ఆర్ తరువాత అనేక ప్రాంతాల్లో దేవర రెండు, మూడు స్థానాల్లో నిలవడం విశేషం.
ఇక ఈ మూవీ డే 1 తెలుగు రాష్ట్రాల షేర్ రూ. 61.25 కోట్లు దక్కించుకుని రెండవ స్థానములో నిలిచింది. కాగా ఆర్ఆర్ఆర్ మూవీ రూ. 73.99 కోట్లతో టాప్ స్థానంలో నిలబడింది. ఇక ఈ రెండు రోజులు వీకెండ్ కావడంతో మూవీకి బాగానే కలెక్షన్ లభించే అవకాశం కనపడుతోంది. మరి దేవర రాబోయే రోజుల్లో ఇంకెంత మేర రాబడుతుందో చూడాలి.