తాజాగా వినిపిస్తున్న వార్తలు నిజమైతే అల్లు అర్జున్ కింగ్ ఖాన్ షారుఖ్ ఖాన్ యొక్క తదుపరి చిత్రం ‘జవాన్’లో అతిథి పాత్రలో కనిపించనున్నారు. ఈ వార్త తెలుసుకున్న ఐకాన్ స్టార్ ఫ్యాన్స్ ఫిదా అయిపోతున్నారు. ఈ వార్త సినీ ఇండస్ట్రీలో, సోషల్ మీడియాలో తెగ వైరల్ అయిపోయింది.
ఇటీవలే పఠాన్ చిత్రం బాక్సాఫీస్ వద్ద ఘనవిజయం సాధించడంతో షారుఖ్ ఖాన్ తదుపరి చిత్రం జవాన్ పై అంచనాలు ఆకాశాన్నంటుతున్నాయి. ఈ ఏడాది జూన్ లో విడుదల కానున్న ఈ సినిమా షారుఖ్ ఖాన్ కు తొలి పాన్ ఇండియా ప్రాజెక్ట్. అయితే తాజాగా అందుతున్న సమాచారం ప్రకారం ఈ సినిమాలో అల్లు అర్జున్ కూడా ఒక చిన్న అతిధి పాత్రలో కనిపిస్తారని తెలుస్తోంది.
అట్లీ దర్శకత్వంలో షారుఖ్ ఖాన్ నటిస్తున్న ఈ చిత్రం ఇప్పటికే భారీ తారాగణంతో ప్రేక్షకుల ముందుకు వచ్చేందుకు సిద్ధం అవుతుంది. ఈ సినిమాలో నయనతార, విజయ్ సేతుపతి కీలక పాత్రల్లో కనిపించనున్న సంగతి తెలిసిందే. ఈ పేర్లతో పాటు దళపతి విజయ్ కూడా ఒక అద్భుతమైన క్యామియోలో నటిస్తున్నారని అంటున్నారు. అయితే ఈ వార్త ఇంకా ఖరారు కాలేదు.
ఈ నటీనటులంతా ఉన్నారు అనే విషయం అటు షారుఖ్ ఖాన్ అభిమానులతో పాటు యావత్ భారత దేశ సినీ ప్రేక్షకులలో తారాస్థాయిలో ఉత్సాహాన్ని పెంచితే, తాజాగా పుష్ప స్టార్ కు సంబంధించిన ఈ వార్త మొత్తం హైప్ ను మరో స్థాయికి తీసుకెళ్లిందనే చెప్పాలి.
ఈ సినిమాలో ఓ స్పెషల్ క్యామియో కోసం అల్లు అర్జున్ ని దర్శకుడు అట్లీ సంప్రదించారని, ఇది ఖచ్చితంగా ప్రేక్షకులని అలరించే అవకాశం ఉందని తెలుస్తోంది. అల్లు అర్జున్ అందుకు ఇంకా ఓకే చెప్పలేదు కానీ ఈ ఛాన్స్ కి ఒప్పుకునే అవకాశాలే ఎక్కువగా ఉన్నాయని భోగట్టా.
అల్లు అర్జున్ అభిమానులు, నెటిజన్లు ఇప్పటికే ఈ వార్త విని సినిమా కోసం తమ స్టోరీలు రాయడం ప్రారంభించారు .ఐకాన్ స్టార్ యొక్క ఈ క్యామియో ఒక చిన్న ఎపిసోడ్ కోసం ఉంటుందా లేదా ఒక పాటలో కనిపిస్తారా అని వారు ఆలోచిస్తున్నారు. అయితే అల్లు అర్జున్ కోసం అట్లీ అంత ప్రత్యేకంగా ఏం సిద్ధం చేశారో ఏంటో తెలియాలంటే అధికారిక ప్రకటన వచ్చే వరకూ ఆగాల్సిందే.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.