సిద్ధూ జొన్నలగడ్డ ప్రధాన పాత్రలో నటించడంతో పాటు రచయితగా పనిచేసిన డీజే టిల్లు ఈ ఏడాది ఫిబ్రవరిలో విడుదలై పెద్ద బ్లాక్ బస్టర్ గా నిలిచిన సంగతి తెలిసిందే.
చిన్న సినిమాగా విడుదలైన డీజే టిల్లు కి విమల్ కృష్ణ దర్శకత్వం వహించగా, సితార ఎంటర్టైన్మెంట్స్ పతాకం పై సూర్యదేవర నాగవంశీ నిర్మించారు. ఈ చిత్రం బాక్సాఫీస్ వద్ద భారీ కలెక్షన్లను రాబట్టి బ్లాక్ బస్టర్ హిట్ గా నిలిచింది. తక్కువ బడ్జెట్ తో తీసిన ఈ సినిమా వరల్డ్ వైడ్ గా 50 కోట్లను వసూలు చేసి ట్రేడ్ వర్గాలను ఆశ్చర్యానికి గురి చేసింది.
డీజే టిల్లు సినిమాకు ఉన్న క్రేజ్ ను దృష్టిలో పెట్టుకొని ఈ సినిమాకి సీక్వెల్ ప్లాన్ చేశారు. మొదటి భాగంలోనే సీక్వెల్ కు లీడ్ ఇచ్చిన చిత్ర బృందం, ఇటీవలే సీక్వెల్ ను ‘టిల్లు స్క్వేర్’ పేరుతో ప్రారంభించింది.
అయితే ఈ సినిమా పట్టాలెక్కకుండానే సీక్వెల్ చుట్టూ వివాదాలు చుట్టుముట్టాయి. మొదట, ఈ సీక్వెల్ కోసం డైరెక్టర్ ను మార్చారు, విమల్ కృష్ణ స్థానంలో మల్లిక్ రామ్ ను తీసుకున్నారు. హీరోయిన్ నేహా శెట్టిని కూడా మార్చి ఆమె స్థానంలో అనుపమ పరమేశ్వరన్ ను హీరోయిన్ ను తీసుకున్నారు.
దురదృష్టవశాత్తు, ఆమె షూటింగ్ ప్రారంభమైన వెంటనే ఈ ప్రాజెక్ట్ నుండి బయటకు వచ్చేశారు.ఆ తర్వాత డీజే టిల్లు సీక్వెల్ లో హీరోయిన్ పాత్ర కోసం అనుపమ స్థానంలో ‘ప్రేమమ్’ ఫేం మడోన్నా సెబాస్టియన్ ను ఫైనల్ చేసినట్లు ఇటీవలే సమాచారం అందింది.
చాలా కాలంగా తెలుగులో హీరోయిన్ గా నిలదొక్కుకోవాలని ప్రయత్నిస్తున్న మడోన్నాకు ఇదొక అద్భుతమైన అవకాశం అని అందరూ భావించారు. కానీ తాజాగా మళ్లీ డీజే టిల్లు యూనిట్ తన మనసు మార్చుకోవడంతో మడోన్నా కూడా ఈ సినిమా నుంచి తప్పుకున్నట్లు తెలుస్తోంది.
మడోన్నా స్థానంలో ‘హిట్ 2’ ఫేమ్ మీనాక్షి చౌదరిని హీరోయిన్ గా తీసుకోవాలని మేకర్స్ యోచిస్తున్నట్లు తాజా సమాచారం. అయితే ఇలా డీజే టిల్లు సీక్వెల్ నుంచి ఒక్కో హీరోయిన్ తప్పుకోవడానికి బలమైన కారణం ఉందనేది ఇన్ సైడ్ టాక్.
టిల్లు స్క్వేర్ చిత్రంలో హీరోయిన్ పాత్రకు ఎటువంటి ప్రాముఖ్యత ఇవ్వలేదని, ఈ చిత్రం మొత్తం హీరో సిద్ధు జొన్నలగడ్డ పైనే భారీగా ఆధారపడి ఉందని అంతర్గత నివేదికలు సూచిస్తున్నాయి. మరి ఇప్పటికైనా ఈ చిత్రంలో హీరోయిన్ మార్చకుండా ఉంటారా లేక మరోసారి ఇలాంటి వార్త వింటామా అనేది వేచి చూడాలి.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.