అభిమానుల చేత నేషనల్ క్రష్ అని ముద్దుగా పిలిపించుకునే రష్మిక మందన్న వివిధ కారణాల వల్ల తరచుగా హెడ్‌లైన్స్‌లో ఉంటున్నారు. అల్లు అర్జున్ యొక్క పాన్ ఇండియన్ బ్లాక్ బస్టర్ పుష్పలో కనిపించిన ఈ నటి, గత కొన్ని నెలల నుండి వివాదాలలో ఉంటూనే ఉన్నారు.
రష్మిక మందన్న ఇటీవల బాలీవుడ్ పాటలు తన పై చూపిన ప్రభావం గురించి వెల్లడించారు. తను తాజాగా నటించిన హిందీ చిత్రం ‘మిషన్ మజ్ను’ యొక్క ఇటీవలి పాటల ఆవిష్కరణ కార్యక్రమంలో ఈ విషయం గురించి మాట్లాడారు.
బాలీవుడ్ పాటలు మరింత రొమాంటిక్ గా అనిపిస్తాయని రష్మిక అన్నారు. సౌత్ ఇండియన్ సాంగ్స్‌లో మాస్ మరియు ఐటెం సాంగ్స్ ఎక్కువగా ఉంటాయని, అయితే, రొమాంటిక్ నంబర్ల విషయానికి వస్తే, బాలీవుడ్ గెలుస్తుందని అన్నారు.
ఇప్పుడు రష్మిక చేసిన ఈ వ్యాఖ్యలు దక్షిణాది సినీ అభిమానులకు ఆగ్రహం తెప్పించాయి. బాలీవుడ్‌ని ఉన్నత స్థానంలో నిలబెట్టి రష్మిక అతీగతీ లేకుండా అనకుండా జాగ్రత్తగా మాట్లాడి ఉండాల్సిందని అంటున్నారు.
ఆమెకు బాలీవుడ్ రొమాంటిక్ సాంగ్స్ అంటే చాలా ఇష్టమయితే అందులో తప్పు లేదని, కానీ సౌత్ ఇండియన్ సినిమాలు కూడా వందలాది రొమాంటిక్ చార్ట్ బస్టర్స్ ఉన్నందున సౌత్ ఇండియన్ సినిమాని బాలీవుడ్ తో అనవసరంగా పోల్చడం, దిగజార్చడం అనవసరమని నెటిజన్లు వ్యాఖ్యానిస్తున్నారు.
ఇంతకుముందు, రిషబ్ శెట్టి యొక్క ప్రొడక్షన్ హౌస్ మరియు బ్లాక్ బస్టర్ చిత్రం కాంతార పై రష్మిక చేసిన వ్యాఖ్యలు కూడా ఇలాగే వివాదం అయ్యాయి మరియు కన్నడ సినిమా అభిమానుల ఆగ్రహానికి కారణం అయ్యాయి.
అంతే కాకుండా ఆ సమయంలో సోషల్ మీడియాలో పెద్ద దుమారానికి దారితీసింది మరియు కర్ణాటకలో రష్మిక మరియు ఆమె చిత్రాలను కన్నడ నిర్మాణ మరియు పంపిణీ దళాలు నిషేధించాయని సోషల్ మీడియాలో చర్చ జరిగింది.
అయితే ఆ తర్వాత తనపై ఎలాంటి బాయ్‌కాట్ లేదని రష్మిక స్పష్టం చేసారు. ఇప్పుడు సౌత్ ఇండియన్ సినిమా పై రష్మిక మందన్న చేసిన ఈ వ్యాఖ్యలు ఆమె పై ఎలాంటి ప్రభావం చూపిస్తాయో వేచి చూడాలి.