సూపర్ స్టార్ మహేష్ బాబు, మాటల మాంత్రికుడు త్రివిక్రమ్ కాంబినేషన్ లో 12 ఏళ్ల గ్యాప్ తర్వాత ఒక సినిమా వస్తున్న సంగతి తెలిసిందే. మహేష్ కెరీర్ లో 28వ చిత్రంగా తెరకెక్కుతున్న ఈ చిత్రానికి ప్రస్తుతానికి SSMB28 అనే వర్కింగ్ టైటిల్ తో పిలుస్తున్నారు. మహేష్ – త్రివిక్రమ్ కాంబినేషన్ అంటే అభిమానుల్లో క్రేజ్ రావడమే కాదు, ప్రేక్షకుల్లో కూడా భారీ హైప్ ఉంది.
కాబట్టి ఈ కాంబోలో వచ్చే సినిమాకి ప్రీ రిలీజ్ బిజినెస్ తో కూడా అద్భుతాలు చేయడం సహజం. ఓటీటీ దిగ్గజం నెట్ ఫ్లిక్స్ ఈ సినిమా డిజిటల్ హక్కులను రికార్డు ధరకు కొనుగోలు చేయగా, ఈ సినిమా శాటిలైట్, డబ్బింగ్, మ్యూజిక్ రైట్స్ కు కూడా రికార్డు స్థాయిలో ఆఫర్లు వస్తున్నాయి.
కేవలం నాన్ థియేట్రికల్ బిజినెస్ తోనే ఈ సినిమా 150 కోట్ల బిజినెస్ చేస్తుందని ట్రేడ్ వర్గాల వారు అంచనా వేస్తున్నారు. ఇక థియేట్రికల్ రైట్స్ కోసం అన్ని ఏరియాల్లో నాన్ రాజమౌళి స్థాయి రికార్డ్ షేర్స్ కోట్ చేస్తున్నారని అంటున్నారు.
ఓవరాల్ గా ఈ చిత్రం తెలుగు రాష్ట్రాల బిజినెస్ 150 కోట్లు కాగా, ఎంత లేదన్నా 130 కోట్ల బిజినెస్ చేస్తుందని, ఓవర్సీస్ లో మహేష్ బాబు, త్రివిక్రమ్ ఇద్దరూ బిగ్గెస్ట్ స్టార్స్ కావడంతో ఈ సినిమా అక్కడ హాట్ కేక్ అని అంటున్నారు. థియేట్రికల్ బిజినెస్ ద్వారా ఖచ్చితంగా 160 కోట్ల బిజినెస్ జరుగుతుందని అంచనా వేస్తున్నారు.
కాబట్టి థియేట్రికల్స్, నాన్ థియేట్రికల్స్ నుంచి వచ్చే మొత్తాలను కలిపితే మహేష్ – త్రివిక్రమ్ సినిమా ఈజీగా 300 కోట్ల బిజినెస్ చేయొచ్చు. ఒక నాన్ పాన్ ఇండియన్ సినిమాకు ఇది భారీ సంఖ్య అనే చెప్పాలి. మహేష్ బాబు, త్రివిక్రమ్ కాంబినేషన్ కి ఉన్న హైప్ కి తగ్గట్లుగా ఈ సినిమా ఒక సాలిడ్ బ్లాక్ బస్టర్ అందించాలని కోరుకుందాం.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.