సూపర్ స్టార్ మహేష్ బాబు సర్కారు వారి పాట సినిమా తర్వాత త్రివిక్రమ్ శ్రీనివాస్ దర్శకత్వంలో తన 28వ సినిమా చేయబోతున్న విషయం తెలిసిందే. ఈ సినిమాకు సంబంధించిన రెగ్యులర్ షూటింగ్ ఆగస్టులో మొదలు పెట్టనున్నారు అని ఇటీవలే చిత్ర బృందం తెలిపారు. అయితే సినిమా కథ ఏమయి ఉంటుంది అనే విషయంలో ఇప్పటి వరకు ఎలాంటి వార్తా బయటకి రాలేదు. అయితే సోషల్ మీడియాలో ఈ సినిమా మీద క్రేజ్ మరియు కథా వస్తువు గురించి పుకార్లు రకరకాలుగా వినిపించాయి. ఇదిలా ఉండగా.. ఈ సినిమాకు సంబంధించి ఒక ఆసక్తికరమైన విషయం ప్రస్తుతం సూపర్ స్టార్ అభిమానులలో చర్చనీయాంశంగా మారింది.
మహేష్ బాబు – త్రివిక్రమ్ శ్రీనివాస్ కాంబినేషన్లో ఇదివరకే అతడు, ఖలేజా సినిమాలు వచ్చినా విషయం తెలిసిందే. 12 ఏళ్ళ తరువాత వీరిద్దరి కాంబినేషన్లో సినిమా వస్తున్న కారణంగా ఈ సినిమా పై అటు అభిమానుల్లో ఇటు ప్రేక్షకుల్లో భారీ అంచనాలు నెలకొన్నాయి. ఈ సినిమాని గత సంవత్సరం ప్రకటించినా.. సెట్స్ పైకి వెళ్లేందుకు చాలా సమయం పట్టింది.
ఇక ఈ చిత్రం గురించి తెలియవచ్చిన ఆ ఆసక్తికరమైన విషయం ఏమిటంటే.. ఈ చిత్రం రాజకీయ నేపథ్యంలో తెరకెక్కిస్తున్నారట. మహేష్ ఇందులో ఒక రాజకీయ నాయకుడిగా ఆ పై మంత్రిగా కనిపించబోతున్నారట.
గతంలో కొరటాల శివ దర్శకత్వంలో వచ్చిన “భరత్ అనే నేను” చిత్రంలో మహేష్ బాబు ముఖ్యమంత్రిగా కనిపించిన సంగతి తెలిసిందే.మరి మాటల మాంత్రికుడు త్రివిక్రమ్ శ్రీనివాస్ దర్శకత్వంలో రాజకీయాలపై సినిమా అంటే ఈ విధంగా ఆ సినిమా ఉంటుందో.. మహేష్ ను ఏ స్థాయిలో చూపిస్తారో అని అభిమానులు ఆసక్తిగా ఎదురు చూస్తున్నారు.
రాజకీయాలతో పాటు త్రివిక్రమ్ నుంచి ఆశించే ఫ్యామిలీ సన్నివేశాలు కూడా సినిమాలో ఉంటాయని సమాచారం. ఈ చిత్రంలో మహేష్ సరసన హీరోయిన్ గా పూజా హెగ్డే నటిస్తుండగా.. రెండో హీరోయిన్ గా శ్రీలీల నటించే అవకాశాలు ఉన్నట్లు వార్తలు కూడా వస్తున్నాయి.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.