సాధారణంగా ఒక సినిమా మొదటి భాగం పెద్ద హిట్ అయితే సహజంగానే రెండో భాగానికి భారీ బజ్ ఉంటుంది. బాహుబలి, కేజీఎఫ్ సిరీస్ విషయంలో ఇదే జరిగిన విషయం తెలిసిందే. ఆ సినిమాల సీక్వెల్స్ కోసం దేశం మొత్తం ఎదురుచూసింది. ఇక దక్షిణ భారత సినీ పరిశ్రమ నుంచి రాబోయే మరో సీక్వెల్ పుష్ప 2 కూడా భారీ బజ్ తో దూసుకెళ్తోంది. అయితే మణిరత్నం ‘పొన్నియిన్ సెల్వన్ 2’ విషయంలో మాత్రం అదే స్థాయి ఆసక్తి ఉందని చెప్పలేం.
మణిరత్నం డ్రీమ్ ప్రాజెక్ట్ గా తెరకెక్కిన ప్రాజెక్ట్ పొన్నియిన్ సెల్వన్ 1 తమిళ సినిమా బాక్సాఫీస్ వద్ద అద్భుతమైన రికార్డులు క్రియేట్ చేయగా, ఇతర భాషల్లో మాత్రం ఓకే అనిపించుకుంది. ఇప్పుడు రెండో భాగానికి కూడా ఇతర భాషల్లో జీరో బజ్ ఉంది.
అంతే కాకుండా తమిళ భాషలో కూడా ఈ మధ్యే ఓపెన్ అయిన ఓవర్సీస్ బుకింగ్స్ అంత భారీగా ఏమీ లేవు. సెన్సేషనల్ గా మొదలైన బుకింగ్స్ ఇప్పుడు పార్ట్ 1 కంటే తక్కువగా ట్రెండ్ అవుతుండటం నిర్మాతలకు నిరాశ కలిగించే విషయమే. ఓవర్సీస్ బుకింగ్స్ ఇదే ట్రెండ్ లో కొనసాగితే తమిళనాడులో కూడా ఇదే ట్రెండ్ ను ఆశించవచ్చు. ఇప్పుడు ఈ సినిమా పీఎస్ 1 రికార్డులను బద్దలు కొడుతుందా లేదా అనేది అందరి మదిలో మెదులుతున్న ప్రశ్న.
ఇదిలా ఉంటే పొన్నియిన్ సెల్వన్ 2 యూనిట్ ఈ సినిమా పై వీలయినంత బజ్ క్రియేట్ చేయడానికి ప్రయత్నిస్తోంది. తాజాగా ఈ సినిమా తెలుగు వర్షన్ ప్రీ రిలీజ్ ఈవెంట్ ను రేపు అంటే ఏప్రిల్ 23 సాయంత్రం 5:30 గంటలకు ఏర్పాటు చేయనున్నట్లు ప్రకటించారు.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.