గత కొన్ని రోజులుగా పుష్ప థియేట్రికల్ రైట్స్ కోసం 1000 కోట్ల డీల్ జరిగిందని చాలా వార్తలు వస్తున్నాయి కానీ అది కేవలం ఒక పబ్లిసిటీ స్తంట్ గానూ.. వాస్తవం అందుకు భిన్నంగా ఉన్నట్లు గానూ కనిపిస్తోంది. పుష్ప 2 కి హిందీ నుండి క్రేజీ ఆఫర్స్ వస్తున్న మాట నిజమే కానీ తమిళ, కన్నడ, మలయాళ భాషలకు మాత్రం అదే మాట చెప్పలేం.
తెలుగులో కూడా పుష్ప మొదటి భాగం బాక్సాఫీస్ వద్ద పెద్దగా వసూళ్లు రాబట్టకపోవడంతో డిస్ట్రిబ్యూటర్లు పుష్ప 2కు రికార్డు స్థాయిలో ఆఫర్లు ఇవ్వడానికి పెద్దగా తొందరపడటం లేదు. అయితే అన్ని భాషల్లోనూ ఈ సినిమాకు విపరీతమైన క్రేజ్ ఉందని, అందుకే థియేట్రికల్ రైట్స్ కు రికార్డు స్థాయిలో ధరలు ఆఫర్లు వస్తున్నాయని పుష్ప టీం ఇలా పబ్లిసిటీతో ఫేక్ బజ్ క్రియేట్ చేసే ప్రయత్నం చేస్తోంది.
అల్లు అర్జున్, సుకుమార్ కాంబినేషన్ లో 2021 డిసెంబర్ లో విడుదలైన పుష్ప ది రైజ్ బ్లాక్ బస్టర్ హిట్ గా నిలిచి ప్రపంచ వ్యాప్తంగా 300 కోట్లకు పైగా గ్రాస్ కలెక్ట్ చేసింది. హిందీలో సర్ ప్రైజ్ హిట్ అయిన ఈ సినిమా సీక్వెల్ కోసం నార్త్ ఇండియన్ ఆడియన్స్ ఎంతో ఆసక్తిగా ఎదురు చూస్తున్నారు. కాబట్టి పుష్ప ది రూల్ మొదటి భాగం కంటే పెద్దదిగా, భారీగా కనిపించడానికి సుకుమార్ అండ్ టీం అన్ని రకాల ప్రయత్నాలు చేస్తున్నారు.
పుష్ప సీక్వెల్ థియేట్రికల్ రైట్స్ కోసం అల్లు అర్జున్ 1000 కోట్లకు పైగా డిమాండ్ చేస్తున్నారని ఇటీవలే వార్తలు వచ్చాయి. ఆర్ఆర్ఆర్ సినిమా థియేట్రికల్ బిజినెస్ అన్ని భాషల్లో కలిపి రూ.900 కోట్లకు పైగా వసూలు చేసిందని, అల్లు అర్జున్ పుష్ప 2 కోసం 1000 కోట్లకు పైగా డిమాండ్ చేస్తున్నారని కొన్ని బాలీవుడ్ ట్రేడ్ సర్కిల్స్ ఈ వార్తను పంచుకున్నాయి.
ఈ వార్త వైరల్ గా మారడంతో సోషల్ మీడియాలో అల్లు అర్జున్ అభిమానులకు, యాంటీ ఫ్యాన్స్ కు మధ్య గొడవ కూడా జరిగింది. అయితే పైన చెప్పినట్లుగా పుష్ప 2 యొక్క 1000 కోట్ల డీల్ నిజం కాదని, పుష్ప 2 బిజినెస్ పై ప్రస్తుతానికి ఎలాంటి అఫీషియల్ అప్ డేట్ లేదని అంటున్నారు. ఒకవేళ అలాంటిది ఏమన్నా ఉంటే చిత్ర బృందం నుంచే అధికారిక ప్రకటన వెలువడుతుంది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.