మణిరత్నం తెరకెక్కించిన పొన్నియిన్ సెల్వన్ 1 గత ఏడాది భారీ బజ్ మధ్య విడుదలై తమిళనాట బాక్సాఫీస్ వద్ద సరికొత్త రికార్డులను క్రియేట్ చేయగలిగింది. అలానే ఓవర్సీస్ లో కూడా ఈ సినిమా అద్భుతంగా ఆడింది. ఇక ఇతర రాష్ట్రాల్లోనూ ఈ సైనా మంచి వసూళ్లు రాబట్టింది కానీ తెలంగాణ, ఆంధ్రప్రదేశ్ లలో మాత్రం అనుకున్నంత గొప్పగా ఆడలేదు.
పొన్నియిన్ సెల్వన్ 1 కోలీవుడ్ లో ఆల్ టైమ్ బ్లాక్ బస్టర్ గా నిలిచి రూ.500 కోట్ల గ్రాస్ మార్కును దాటింది. ఈ సినిమా ఓటీటీలో విడుదలైనప్పుడు కేజీఎఫ్ తరహాలో డిజిటల్ ప్లాట్ ఫారంలలో కూడా చక్కని ప్రభావాన్ని చూపిస్తుంది అని నిర్మాతలు భావించారు. కానీ ఓటీటీ రిలీజ్ లో కూడా ఈ సినిమాకు ప్రేక్షకుల నుంచి పేలవమైన రివ్యూలు వచ్చాయి.
ఈ సినిమా రెండో భాగం పై భారీ అంచనాలు నెలకొనాలంటే మొదటి భాగానికి భారీ స్థాయిలో ఓటీటీ స్పందన చాలా అవసరం. కానీ ఇప్పుడు ఈ సీక్వెల్ కు భారతీయ సినిమా అంతటా బాహుబలి 2 లేదా కెజిఎఫ్ 2 కు ఉన్న హైప్ ఇతర భాషల నుండి ఉండదు అన్నట్లే కనిపిస్తుంది.
ఎందుకంటే ఈ సినిమాకి టీవీ ప్రీమియర్ విషయంలో కూడా అలాంటి పరిస్థితే ఎదురైంది. తెలుగు రాష్ట్రాల్లో ఈ తమిళ బ్లాక్ బస్టర్ పై తెలుగు ప్రేక్షకులు ఎందుకో పెద్దగా ఆసక్తి చూపలేదు.
కేవలం రూ.10 కోట్ల షేర్ తో ఈ చిత్రం బాక్సాఫీస్ వద్ద చాలా తక్కువ వసూళ్లు రాబట్టింది. ఇప్పుడు ఈ సినిమాను బుల్లితెర పై చూసేందుకు కూడా ప్రేక్షకులు ఆసక్తి చూపడం లేదు. పొన్నియన్ సెల్వన్ మొదటి భాగం యొక్క తెలుగు వెర్షన్ టెలివిజన్ ప్రీమియర్ కు 2.73 రేటింగ్ వచ్చిందంటే తెలుగు ప్రేక్షకులు ఈ సినిమాను చూడటానికి ఏమాత్రం ఆసక్తి చూపడం లేదన్న విషయం స్పష్టం అవుతుంది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.