సమంత నటించిన శాకుంతలం ఇటీవల విడుదలై ప్రేక్షకుల అంచనాలను అందుకోవడంలో విఫలమైన సంగతి తెలిసిందే. ఈ హిస్టారికల్ డ్రామా కోసం ఏళ్ల తరబడి కష్టపడిన దర్శకుడు గుణశేఖర్ కి మరియు ఆయన బృందానికి ఈ సినిమా పెద్ద డిజాస్టర్ గా నిలవడం చాలా బాధ కలిగించింది. ‘శాకుంతలం’ సినిమా విడుదలకు ముందు ఎలాంటి బజ్ క్రియేట్ చేయలేకపోయింది. ట్రైలర్ రిలీజ్ అయినప్పటి నుంచి ఈ సినిమా యొక్క ఫిల్మ్ మేకింగ్, విజువల్ ఎఫెక్ట్స్ తీరు పై పెద్ద ఎత్తున విమర్శలు వచ్చాయి.
ఇక సినిమా రిలీజైన తర్వాత శాకుంతలం యొక్క బాక్సాఫీస్ పర్ఫామెన్స్ గుణశేఖర్ తో పాటు ఈ సినిమా థియేట్రికల్ రైట్స్ కొన్న దిల్ రాజుకు కూడా పెద్ద షాక్ ఇచ్చింది. తన 25 ఏళ్ల కెరీర్లో ‘శాకుంతలం బిగ్గెస్ట్ షాక్’ అని ప్రముఖ నిర్మాత, డిస్ట్రిబ్యూటర్ వెల్లడించారు. నిజానికి ఈ సినిమా యొక్క అవుట్ పుట్ కు రాజు బాగా ఇంప్రెస్ అయ్యారని, ప్రైవేట్ స్క్రీనింగ్ తర్వాత చిత్ర బృందాన్ని కూడా అభినందించారని కొన్ని సీన్స్ మేకింగ్ వీడియోల ద్వారా స్పష్టమైంది.
ఇన్నేళ్లుగా ఎన్నో బ్లాక్ బస్టర్స్, ఇండస్ట్రీ హిట్స్ ని నిర్మించి డిస్ట్రిబ్యూట్ చేసిన దిల్ రాజు సినిమాల సబ్జెక్ట్ పై జడ్జ్ మెంట్ కు పెట్టింది పేరు. అయితే అదే తీర్పు శాకుంతలం సినిమా విషయంలో విఫలం కావడం నిజంగా అందరినీ ఆశ్చర్యానికి గురి చేసింది. తమిళం, తెలుగు, హిందీ, మలయాళం, కన్నడ భాషల్లో విడుదలైన ఈ చిత్రం 3డి వెర్షన్ లో కూడా రూపొందించబడింది. దేవ్ మోహన్, ప్రకాష్ రాజ్, మోహన్ బాబు, అదితి బాలన్, అనన్య నాగళ్ల ప్రధాన పాత్రల్లో నటించిన శాకుంతలం సినిమాలో సమంత ప్రధాన పాత్రలో నటించిన సంగతి తెలిసిందే.