సంచలనాత్మక బ్లాక్ బస్టర్ బిచ్చగాడు 2 విడుదల తేదీ ఖరారు అయింది. బిచ్చగాడు (2006)తో తెలుగు ప్రేక్షకుల విపరీతమైన తెచ్చుకున్న నటుడు మరియు దర్శకుడు విజయ్ ఆంటోనీ, దాని సీక్వెల్ బిచ్చగాడు 2 (తమిళంలో పిచైక్కారన్ 2)తో మళ్లీ ప్రేక్షకులను అలరించడానికి సిద్ధంగా ఉన్నారు. ఎంతో ఆసక్తిగా ఎదురుచూస్తున్న ఈ చిత్రంలో కావ్య థాపర్ కథానాయికగా నటిస్తున్నారు.
ఈ చిత్రం ఏప్రిల్ 14, 2023న ప్రపంచవ్యాప్తంగా థియేటర్లలో విడుదలవుతుందని చిత్ర నిర్మాతలు అధికారికంగా ప్రకటించారు. అంటే ఈ చిత్రం బాక్సాఫీస్ వద్ద సమంత యొక్క శాకుంతలంతో ఢీకొంటుంది అన్నమాట. శాకుంతలం సినిమా పీరియాడిక్ జానర్ కారణంగా విపరీతమైన క్రేజ్ కలిగి ఉంది, అయితే విజయ్ ఆంటోని చిత్రం కూడా పోటీలో ఏమాత్రం తక్కువ కాదనే చెప్పాలి.
ఎందుకంటే బిచ్చగాడు మొదటి భాగం తమిళ నాట కంటే తెలుగు రాష్ట్రాల్లో ఎక్కువ కలెక్షన్లు రాబట్టి సంచలనం సృష్టించింది మరియు ప్రస్తుతం ప్రేక్షకులు సీక్వెల్ అంటే ఇష్టపడుతున్నందున ఈ సీక్వెల్ ఖచ్చితంగా తెలుగు మరియు తమిళంలో మంచి హైప్ కలిగి ఉంటుంది.
విజయ్ ఆంటోనీ స్వయంగా దర్శకత్వం వహించిన ఈ సీక్వెల్‌లో హరీష్ పేరడి కీలక పాత్రలో నటించారు. ఈ సినిమాకి దర్శకత్వం వహించడంతో పాటు ఈ సినిమాకి హీరో అయిన విజయ్ ఆంటోనీ ఈ చిత్రానికి సంగీతం కూడా అందించారు. విజయ్ ఆంటోని ఫిల్మ్ కార్పొరేషన్ బ్యానర్‌ పై ఆయన భార్య ఫాతిమా విజయ్ ఈ చిత్రాన్ని నిర్మించారు.