2023 సంక్రాంతికి వాల్తేరు వీరయ్య, వీరసింహారెడ్డి సినిమాలతో చిరంజీవి, బాలకృష్ణల మధ్య పోటీ జరిగిన సంగతి తెలిసిందే. మైత్రీ మూవీ మేకర్స్ నిర్మించిన ఈ రెండు సినిమాలు విజయ్ నటించిన వారిసు/వారసుడు, అజిత్ నటించిన తునివు/తెగింపు సినిమాలతో పోటీ పడ్డాయి.
ఇక ఈ రెండు సినిమాలు బాక్సాఫీస్ రన్ ముగింపు దశకు చేరుకున్నాయనే చెప్పాలి. వీరసింహారెడ్డి ఇప్పటికే గత కొన్ని రోజులుగా నామమాత్రపు షేర్లతో రన్ అవుతుండగా, ఇప్పుడు గత వీకెండ్ తర్వాత వాల్తేరు వీరయ్య కూడా నామమాత్రపు షేర్లతోనే నడుస్తుంది. ఈ వీకెండ్ చాలా చోట్ల ఈ సినిమాల ఫైనల్ రన్ ముగుస్తుంది.
ఈ రెండు సినిమాలు చిరంజీవి, బాలకృష్ణలకు కెరీర్ బెస్ట్ గా నిలిచాయి. వాల్తేరు వీరయ్య సినిమా చిరంజీవికి కెరీర్ బెస్ట్ షేర్, గ్రాసర్ (తెలుగు వెర్షన్ మాత్రమే). పలు భాషల్లో సైరా ఇప్పటికీ మెగాస్టార్ కు హయ్యస్ట్ గ్రాసర్ గా నిలిచింది. వీరసింహారెడ్డి బాలకృష్ణ సినిమాల్లో అత్యధిక షేర్ వసూలు చేయగా, గ్రాస్ పరంగా చూస్తే అఖండ సినిమానే బాలయ్యకు బిగ్గెస్ట్ గ్రాసర్ గా నిలిచింది.
మొత్తానికి వరుస పరాజయాల తర్వాత మెగాస్టార్ చిరంజీవి నటించగా ఈ సంక్రాంతికి విడుదలైన వాల్తేరు వీరయ్య చిత్రం బాక్సాఫీస్ వద్ద మంచి విజయాన్ని అందుకుంది. వాల్తేరు వీరయ్య బాలకృష్ణ వీరసింహారెడ్డితో తలపడగా, 5 సంవత్సరాల తర్వాత అత్యంత ప్రఖ్యాతి చెందిన చిరు వర్సెస్ బాలయ్య పోటీని ఇరు వర్గాల అభిమానులు వీక్షించారు.
బాలకృష్ణ టాప్ ఫామ్ లో ఉండటం, చిరంజీవి ఇటీవలి వైఫల్యాలు ఈ క్లాష్ ను చాలా ఆసక్తికరంగా మార్చాయి. తొలిరోజు బాలకృష్ణ భారీ నంబర్లను కనబర్చారు కానీ మొదటి రోజు నుంచి హౌస్ ఫుల్ షోలతో మంచి ప్రదర్శన కనబరిచిన వీరసింహారెడ్డి ఆ తర్వాత వాల్తేరు వీరయ్య తరువాతి స్థానంతోనే సరిపెట్టుకుంది.