మార్చి 30 నుంచి ప్రపంచవ్యాప్తంగా ప్రేక్షకులను అలరించడానికి నాని దసరా సినిమా సిద్ధమైంది. ఇక చిత్ర యూనిట్ సినిమా యొక్క హైప్ ను మరింత పెంచడానికి చాలా దూకుడుగా ప్రచార కార్యక్రమాల వ్యూహాలను అమలు చేస్తోంది. కాగా ఈ సినిమాకి సంభందించిన థియేట్రికల్ బిజినెస్ కూడా రికార్డ్ స్థాయిలో ముగిసింది.
దసరా సినిమా థియేట్రికల్ వ్యాపారం అన్ని ప్రాంతాలలో ఇటీవలే ముగిసింది. సీడెడ్ ఏరియా హక్కులను 6.5 కోట్లకు విక్రయించారు మరియు ఆంధ్ర వ్యాపార నిష్పత్తి 13 – 14 కోట్ల మధ్య ఉంటుంది. మొత్తం మీద ఆంధ్ర ప్రదేశ్ థియేట్రికల్ హక్కులను 20 కోట్లకి అమ్మారు. మరియు దసరాకి ప్రముఖ నిర్మాత మరియు డిస్ట్రిబ్యూటర్ అయిన దిల్ రాజు తెలంగాణలో సొంతంగా విడుదల చేయనున్నారు.
నైజాంలో నాని సూపర్ స్ట్రాంగ్ కాబట్టి తెలంగాణ ప్రాంతం విలువ 14 కోట్లుగా నిర్ణయించారు. నాని సినిమాలకు నైజాం బిజినెస్ ఎప్పుడూ మంచిగానే ఉంటుంది. ఓవరాల్‌గా తెలుగు రాష్ట్రాల్లో 34 కోట్ల బిజినెస్ జరిగిన ఈ సినిమా ప్రపంచవ్యాప్తంగా దాదాపు 43 కోట్ల బిజినెస్ చేసింది. ఈ చిత్రం హిట్ స్టేటస్ సాధించాలంటే తెలుగు వెర్షన్‌ నుంచి 43 కోట్లకు పైగా షేర్ వసూలు చేయాలి మరియు ఇది నాని కెరీర్‌లో రికార్డ్ బిజినెస్ అని చెప్పాలి.
ఇదిలా ఉంటే, దసరా నిర్మాతలు తమ సినిమాను ప్రమోట్ చేయడానికి మరియు హైప్ క్రియేట్ చేయడానికి ఏ అవకాశాన్ని కూడా వదిలిపెట్టడం లేదు. ఈ చిత్రం బ్లాక్‌బస్టర్‌గా నిలిచి నానికి కెరీర్‌లో బెస్ట్ నంబర్‌లను అందించాలని కోరుకుంటున్నాము.