గత ఏడాది అఖండ చిత్రం ఘన విజయం సాధించి నందమూరి బాలకృష్ణకు కొత్త ఉత్సాహాన్ని నింపింది. ఆ సినిమా ఇచ్చిన ఆత్మవిశ్వాసంతో బాలకృష్ణ వరుస సినిమాలను ఒప్పుకుంటున్నారు. అంతే కాకుండా తన అభిమానులకు, ప్రేక్షకులకు తన మాస్ తడాఖాని మరింత స్థాయిలో ప్రదర్శించాలని నిర్ణయించుకున్నారు. ప్రస్తుతం, బాలయ్య దర్శకుడు గోపీచంద్ మలినేనితో కలిసి NBK107 కోసం పని చేస్తున్నారు. ప్రస్తుతం ఈ చిత్రానికి సంబంధించిన షూటింగ్ శరవేగంగా జరుగుతోంది.
ఇక దర్శకుడు గోపీచంద్ మలినేని తాజాగా అందించిన బ్లాక్ బస్టర్ హిట్ సినిమాలైన క్రాక్ బలుపు వంటి చిత్రాలలో నటించిన శృతి హాసన్ NBK107లో బాలకృష్ణ సరసన నటించనున్నారు. ఈ సినిమాతో పాటు యువ దర్శకుడు, వరుస విజయాలతో సక్సెస్ ట్రాక్ రికార్డ్ అద్భుతంగా ఉన్న అనిల్ రావిపూడి దర్శకత్వంలో కూడా బాలకృష్ణ ఓ సినిమాలో నటించనున్నారు.
కాగా ఈ సినిమా తన గత సినిమాలన్నింటికీ చాలా భిన్నంగా ఉంటుందని, బాలయ్య పూర్తిగా భిన్నమైన పాత్రలో కనిపిస్తారని దర్శకుడు అనిల్ రావిపూడి ఓ ఇంటర్వ్యూలో తెలిపారు. బాలకృష్ణ స్టైల్‌కు తగ్గట్టుగా ఉంటూనే కాస్త కొత్త నేపథ్యంలో సినిమా ఉంటుందని, అవుట్ అండ్ అవుట్ మాస్ యాక్షన్‌ అంశాలు కూడా పుష్కలంగా ఉంటాయని సమాచారం.
అంది వచ్చిన అవకాశాన్ని ఉపయోగించుకోవడానికి అనిల్ రావిపూడి చాలా జాగర్తగా ఈ సినిమా స్క్రిప్ట్ వర్క్ పనులు చూసుకుంటున్నారు. అంతే కాక కమర్షియల్ ఎలిమెంట్స్‌ని హైలైట్ చేయడంలో ఎటువంటి పొరపాట్లకు తావివ్వడం లేదు. ఇక ఈ చిత్రంలో తన మార్కు కామెడీ కూడా సమపాళ్లలో ఉండేలా అనిల్ రావిపూడి శ్రద్ధ వహిస్తున్నారు.
ఈ చిత్రం తర్వాత, బాలకృష్ణ దర్శకుడు బాబీతో ఒక సినిమా చేయనున్నారని తెలుస్తోంది. బాబీ ప్రస్తుతం చిరంజీవితో వాల్తేరు వీరయ్య సినిమా బిజీగా ఉన్నారు. ఆ చిత్రం పూర్తయిన తర్వాత బాలకృష్ణ కాంబినేషన్లో ఔట్ అండ్ అవుట్ మాస్ ఎంటర్టైనర్ కోసం పని చేయనున్నారు. కాగా ఈ సినిమాని సితార ఎంటర్‌టైన్‌మెంట్స్ బ్యానర్ పై నిర్మాత నాగ వంశీ నిర్మించబోతున్నారు. ఈ సినిమా వచ్చే ఏడాది సెట్స్‌ పైకి వెళ్లనుందని తెలుస్తోంది.
మొత్తానికి వరుసగా క్రేజీ ప్రాజెక్ట్ లతో.. కమర్షియల్ దర్శకుల చక్కని లైనప్ తో బాలయ్య దూసుకుపోతున్నారు. ఇక ఈ జోరు ఇప్పట్లో ఆగేలా లేదు.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.