అఖిల్ అక్కినేని ‘ఏజెంట్’ రేపటి నుంచి అంటే ఏప్రిల్ 28న థియేటర్లలో ప్రేక్షకులను అలరించనుంది. ఔట్ అండ్ ఔట్ యాక్షన్ థ్రిల్లర్ లో తమ అభిమాన హీరోను చూడాలని అక్కినేని అభిమానులు ఎంతో ఆతృతగా ఎదురు చూస్తున్నారు. అలాగే తెలుగు రాష్ట్రాల్లో ఎర్లీ షోలను ప్లాన్ చేసే పనిలో వారంతా బిజీగా ఉన్నారు. అయితే పోస్ట్ ప్రొడక్షన్ పనుల్లో జాప్యం కారణంగా ఏజెంట్ సినిమా ఇబ్బందులు ఎదుర్కొంటోంది.
ఏజెంట్ సినిమా యొక్క USA ప్రీ-సేల్స్ కేవలం 40K$ కు దగ్గరగా ఉన్నాయి మరియు ఈ నంబర్లు తక్కువగా ఉన్నాయి మరియు ఇంత తక్కువ ప్రీ-సేల్స్ కు ప్రధాన కారణంగా చాలా షోలు రద్దు చేయబడ్డాయి. యూఎస్ థియేటర్స్ కు ఇంకా కంటెంట్ డెలివరీ కాకపోవడంతో థియేటర్ల యజమానులు షోలను క్యాన్సిల్ చేయాల్సి వచ్చింది. కాగా కంటెంట్ ను ఈరోజే డెలివరీ చేసే అవకాశం ఉంది.
ఈ రోజుల్లో ఏ సినిమాకైనా టాక్ చాలా కీలకంగా మారింది. యూఎస్ఏ షోలు, ప్రీమియర్స్ సరిగ్గా ప్లాన్ చేయకపోతే టాక్ నెగెటివ్ వస్తే పరిస్థితి మరింత దారుణంగా ఉంటుంది. ఎందుకంటే ఆ తరువాత సినిమాను చూసేందుకు ప్రేక్షకులు ఉండకుండా పోతారు. అయితే టాక్ పాజిటివ్ గా వస్తే మాత్రం మిగతా రోజుల్లో ఓపెనింగ్స్ లో వచ్చిన నష్టాన్ని ఆ సినిమా రికవరీ చేసే అవకాశం ఉంటుంది. ఏజెంట్ సినిమాకు మంచి టాక్ వస్తుందని ఆశిద్దాం.
ఏకే ఎంటర్టైన్మెంట్స్, సురేందర్ 2 సినిమా పతాకాల పై రామబ్రహ్మం సుంకర నిర్మించిన ఈ చిత్రానికి అజయ్ సుంకర, పాటి దీపారెడ్డి ఎగ్జిక్యూటివ్ ప్రొడ్యూసర్లు గా వ్యవహరించారు. జాతీయ అవార్డు గ్రహీత నవీన్ నూలి ఎడిటింగ్ చేసిన ఈ చిత్రానికి రసూల్ ఎల్లోర్ సినిమాటోగ్రఫీ అందించారు. మలయాళ మెగాస్టార్ మమ్ముట్టి, బాలీవుడ్ నటుడు డినో మోరియా కీలక పాత్రల్లో కనిపించనున్నారు. సాక్షి వైద్య హీరోయిన్ గా నటించిన ఈ చిత్రానికి హిప్ హాప్ తమిళ సంగీతం అందించారు.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.