సూపర్ స్టార్ మహేష్ బాబు అంటే అత్యద్భుత నటన మరియు బాక్స్ ఆఫీస్ కలెక్షన్లకే కాదు ఒక మంచి ఫ్యామిలీ మ్యాన్ అనే విషయం కూడా గుర్తుకు వస్తుంది. ఒక సంవత్సరంలో ఆయన షూటింగ్ ల నుంచి ప్రణాళిక ప్రకారం విరామం ఇచ్చి కుటుంబంతో విశ్రాంతి తీసుకోవడానికి ఇష్టపడతారనేది అందరికీ తెలిసిన విషయమే.
ప్రతి పెద్ద సినిమా తర్వాత, అయన సాధారణంగా తన కుటుంబంతో విహారయాత్రకు వెళ్తారు. ఇటీవలే సర్కారు వారి పాట విడుదలైన తర్వాత, మహేష్ తన భార్య మరియు ఇద్దరు పిల్లలతో విహార యాత్రకు వెళ్లి వచ్చిన సంగతి తెలిసిందే.
ఆయన తదుపరి చిత్రం మాటల మాంత్రికుడు అయిన త్రివిక్రమ్‌తో చేస్తున్నట్లు ఇది వరకే అధికారికంగా ప్రకటించారు. ఈ చిత్రం ప్రస్తుతం SSMB28 అనే వర్కింగ్ టైటిల్ తో ప్రచారంలో ఉంది. ఇదిలా ఉండగా ఈ చిత్ర షూటింగ్ నిమిత్తమే మహేష్ తన సెలవుల నుండి తిరిగి వచ్చారు. వాస్తవానికి ఈ సినిమా ఈ వారంలోనే సెట్స్‌ పైకి వెళ్లాలని ప్లాన్ చేశారు. అయితే ఇప్పుడు అది వాయిదా పడింది.
మహేష్ బాబు షూటింగ్ ప్రారంభించడానికి సిద్ధంగా ఉన్నారు, కానీ ఇటీవల తెలుగు సినీ నిర్మాతల మండలి ఆదేశాల మేరకు సినిమాల షూటింగ్‌లను అన్ని నిర్మాణ సంస్థలు షూటింగ్ లని తాత్కాలికంగా ఆపేశారు. అందువల్ల మహేష్ ప్రస్తుతం ఇంట్లోనే ఉండాల్సిన పరిస్థితి ఏర్పడింది.మహేష్ బాబు అలా ఖాళీగా ఉండకుండా తన బ్రాండ్ ఎండార్స్‌మెంట్స్ కోసం కొన్ని ప్రకటనలకి సంభందించిన షూట్‌లలో నిమగ్నమై ఉన్నారు.
ఇటీవల ప‌రిశ్ర‌మ‌లో వ‌స్తున్న ఇబ్బందుల‌ను దృష్టిలో ఉంచుకుని నిర్మాతల సంఘం షూటింగ్‌లు కొన్ని రోజులు ఆపేసి, సమస్యలకు తగిన పరిష్కారం తెలుసుకున్న తరువాతే షూటింగ్ లను తిరిగి నిర్వహించాలనే నిర్ణయం తీసుకుంది.
కానీ ఇటీవల విడుదలైన బింబిసార, సీతా రామం మరియు కార్తికేయ 2 వంటి సినిమాల విజయాలు వల్ల తేలిన విషయం ఏంటంటే.. ఆసక్తికరమైన కంటెంట్ ఉంటే సినిమాలు ఖచ్చితంగా విజయం సాధిస్తాయని, కానీ అలాంటి ఆసక్తికర అంశాలు లేని సినిమాలకు మాత్రమే ఫ్లాప్ అవుతాయి అని నిరూపించాయి. సినిమాలో తమని కట్టి పడేసే కంటెంట్ ఉంటే ప్రేక్షకులు సంతోషంగా థియేటర్లకు తరకి వచ్చి సినిమాలను హిట్ చేస్తారు. కార్తికేయ 3వ రోజు కూడా హౌస్‌ఫుల్ షోలను నమోదు చేస్తుంటే 10వ రోజు కూడా సీతా రామం తన జోరు కొనసాగిస్తుంది. ప్రేక్షకులు మంచి చిత్రాలను ఆదరిస్తారు అనడానికి ఇంత కంటే మరే ఉదాహరణ అవసరం లేదు.