రెండున్నరెళ్ళ క్రితం ఆడియన్స్ ముందుకు వచ్చి అతిపెద్ద విజయం అందుకున్న పాన్ ఇండియన్ సినిమా కాంతారా. రిషబ్ శెట్టి నటిస్తూ దర్శకత్వం వహించిన ఈ సినిమా తెలుగులో కూడా అతిపెద్ద విజయం సొంతం చేసుకుంది. ఇక ఈ సినిమాకు సంబంధించిన ప్రీక్వెల్ గా తెరకెక్కుతున్న తాజా సినిమా కాంతారా ఏ లెజెండ్.
దీనిపై అందరిలో కూడా విశేషమైన అంచనాలు ఉన్నాయి. ఈ సినిమా ప్రస్తుతం వేగవంతంగా షూటింగ్ జరుపుకుంటుండగా దీనిని గాంధీ జయంతి సందర్భంగా అక్టోబర్ 2న విడుదల చేస్తున్నట్లు ఇప్పటికే మేకర్స్ అయితే రిలీజ్ డేట్ అనౌన్స్ చేశారు. ఇటీవల రిలీజ్ చేసిన ఈ మూవీ యొక్క అనౌన్స్ మెంట్ గ్లింప్స్ టీజర్ లో రిలీజ్ డేట్ అనౌన్స్మెంట్ ఇవ్వటం జరిగింది.
అయితే అసలు విషయం ఏమిటంటే, ఈ సినిమా కొన్నాళ్లపాటు వాయిదా పడనుందని ఇటీవల పలు మీడియా మాధ్యమాల్లో వార్తలు వచ్చాయి. దానితో కాంతారా ఏ లెజెండ్ టీమ్ స్పందించి రూమర్స్ కి చెక్ పెట్టింది. కాగా తమ సినిమా అనుకున్న విధంగా అక్టోబర్ 2న పక్కాగా దేశవ్యాప్తంగా పలు భాషల యొక్క ఆడియన్స్ ముందుకు రావడం ఖాయమని ఎటువంటి పోస్ట్పోన్మెంట్ లేదని తెలిపారు.
అందుతున్న సమాచారం ప్రకారం కాంతారా పార్ట్ 1 మించి ఎంతో భారీ స్థాయిలో గ్రాండ్ లెవెల్ లో ఈ సినిమాని తెరకెక్కిస్తున్నారని తప్పకుండా రిలీజ్ అనంతరం కాంతారా ఏ లెజెండ్ బాక్సాఫీస్ వద్ద అతిపెద్ద విజయం ఖాయమని అంటున్నాయి కన్నడ సినీవర్గాలు.