ఐకాన్ స్టార్ అల్లు అర్జున్ హీరోగా ప్రస్తుతం అట్లీ దర్శకత్వంలో ఒక భారీ హాలీవుడ్ స్థాయి సైన్స్ ఫిక్షన్ జానర్ సినిమా తెరకెక్కుతున్న విషయం తెలిసిందే. ఇందులో ఐకాన్ స్టార్ అల్లు అర్జున్ త్రిబుల్ రోల్ లో కనిపించనున్నారు. ఇక ఈ సినిమాలో హీరోయిన్స్ గా జాన్వి కపూర్, మృణాల్ ఠాకూర్ తో పాటు తాజాగా బాలీవుడ్ నటి దీపికా పదుకొనే కూడా చేరినట్టు తెలుస్తోంది.
వాస్తవానికి ప్రభాస్, సందీప్ రెడ్డి వంగా ల స్పిరిట్ సినిమాలో ఆమె నటించాల్సి ఉంది. కానీ కొన్ని క్రియేటివ్ డిఫరెన్స్ ల కారణంగా ఆమె ఆ సినిమా నుంచి తప్పుకొని ఈ సినిమా ఒప్పుకుని దీని యొక్క షూట్లో జాయిన్ అవడానికి సిద్ధమయినట్లు తెలుస్తోంది. ఇక ఈ మూవీని సన్ పిక్చర్స్ సంస్థ హాలీవుడ్ స్థాయిలో భారీ వ్యయంతో నిర్మిస్తుండగా సాయి అభ్యంకర్ సాంగ్స్ అందించనున్నారు.
అలానే హాలీవుడ్ మ్యూజిక్ కంపోజర్ హాన్స్ జిమ్మర్ దీనికి బ్యాక్ గ్రౌండ్ స్కోర్ అందించనున్నారు. అతి త్వరలో సెట్స్ మీదకు వెళ్లనున్న ఈ సినిమా 2026 చివర్లో ఆడియన్స్ ముందుకు రానుంది. ఎంతో ప్రతిష్టాత్మకంగా నిర్మితం కానున్న ఈ సినిమాకు సంబంధించిన ఒక్కొక్క అప్డేట్ త్వరలో రానుంది.