హీరో నాని కెరీర్ లోనే బిగ్గెస్ట్ బడ్జెట్ ప్రాజెక్ట్ దసరా. ఈ సినిమా బడ్జెట్ 65 కోట్లకు పైగా ఉంటుందని వినికిడి. అయితే థియేట్రికల్, నాన్ థియేట్రికల్ బిజినెస్ ద్వారా ఆ మొత్తాన్ని రికవరీ చేసిన నిర్మాత.. తద్వారా దాదాపు 10 కోట్ల లాభాలు ఆర్జించారు.
ఆ రకంగా తెలుగు రాష్ట్రాల దసరా సినిమా థియేట్రికల్ రైట్స్ ను నిర్మాత 23 కోట్లకు ఒక బయ్యర్ కు అమ్మగా, ఆ బయ్యర్ అవే హక్కులను ప్రముఖ నిర్మాత దిల్ రాజుకు 28 కోట్లకు అమ్మినట్లు సమాచారం. ఇప్పుడు ఈ సినిమాకు 35 కోట్ల వరకు భారీ ఆఫర్లు వస్తున్నాయి. బిజినెస్ లో వచ్చిన మార్పును గమనిస్తే నిర్మాత ఈ సినిమాను ముందుగానే 23 కోట్లకు అమ్మకపోయి ఉంటే ఇప్పుడు నిర్మాతకు తెలుగు రాష్ట్రాల నుంచి ఖచ్చితంగా 35 కోట్లు వచ్చేవి అని లోగడ వర్గాలు అనుకుంటున్నాయి.
బహుశా ఆ సమయంలో దసరాకు ఇంత క్రేజ్ వస్తుందని నిర్మాత సుధాకర్ చెరుకూరి ఊహించి ఉండకపోవచ్చు. కానీ తెలిసో తెలియకో ఆయన తన తప్పిదానికి మంచి మూల్యం చెల్లించుకున్నారు అనే చెప్పాలి.
నాని తాజా చిత్రం దసరా టీజర్ ను సోమవారం ప్రదర్శించగా ప్రేక్షకుల నుంచి అద్భుతమైన స్పందన వచ్చింది. శ్రీకాంత్ ఓదెల అనే నూతన దర్శకుడు ఈ చిత్రానికి దర్శకుడు. ఇదిలా ఉంటే ఈ సినిమా తెలుగు రాష్ట్రాల హక్కులను అగ్ర నిర్మాత, డిస్ట్రిబ్యూటర్ దిల్ రాజు దక్కించుకున్నట్లు వార్తలు ఇటీవలే వచ్చాయి.
శ్రీకాంత్ ఓదెల దర్శకత్వం వహించిన ఈ చిత్రంలో నాని, కీర్తి సురేష్, దీక్షిత్ శెట్టి, సముద్రఖని, జరీనా వహాబ్, సాయి కుమార్, షైన్ టామ్ చాకో, రాజశేఖర్ అనింగి తదితరులు నటించారు. తెలుగు, తమిళం, హిందీ, కన్నడ , మలయాళ భాషల్లో మార్చి 30న ఈ చిత్రాన్ని విడుదల చేయడానికి సన్నాహాలు చేస్తున్నారు. తెలంగాణలోని రామగుండం గోదావరిఖని సమీపంలోని సింగరేణి బొగ్గు గనుల నేపథ్యంలో ఈ సినిమా తెరకెక్కింది.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.