సినిమా: దాస్ కా ధమ్కీ
రేటింగ్: 2.5/5
తారాగణం: విశ్వక్ సేన్, నివేదా పేతురాజ్, రావు రమేష్, అక్షర గౌడ
దర్శకత్వం: విశ్వక్ సేన్
నిర్మాతలు: కరాటే రాజు, విశ్వక్ సేన్
విడుదల తేదీ: 22 మార్చి 2023
విశ్వక్ సేన్ దర్శకత్వం వహించిన రెండవ చిత్రం దాస్ కా ధమ్కీ ఈ రోజు ఉగాది సందర్భంగా గట్టి పాజిటివ్ బజ్ మరియు ఎటువంటి పోటీ లేకుండా విడుదలైంది. ఈ చిత్రం దేశీయంగానూ, ఓవర్సీస్‌ మార్కెట్ లోనూ మంచి అంచనాలను అందుకుంది. ఈ చిత్రంలో విశ్వక్ సేన్ తొలిసారి ద్విపాత్రాభినయం చేయడం మరో విశేషం. మరి విశ్వక్ సేన్ తన టాలెంట్ తో సినిమా అంతటా ప్రేక్షకులను నిమగ్నమయ్యేలా అలరించారో లేదో తెలుసుకుందాం.
కథ: కృష్ణ దాస్ (విశ్వక్ సేన్) ఒక రెస్టారెంట్‌లో వెయిటర్. అయితే అదే సమయంలో అచ్చం కృష్ణ దాస్ లాగానే కనిపించే పెద్ద ఫార్మా కంపెనీ CEO మరియు మావెరిక్ డాక్టర్ అయిన డాక్టర్ సంజయ్ రుద్ర కూడా ఉంటాడు అతను క్యాన్సర్ నిరోధక మందును విడుదల చేయబోతుండగా అనుకోని పరిస్థితుల్లో డాక్టర్ సంజయ్ ఒక ప్రమాదంలో మరణిస్తాడు. ఆ రకంగా అతని స్థానంలో కృష్ణ దాస్ దిగుతాడు. దాస్ కి కొత్తగా వచ్చిన డబ్బు మరియు పేరు వల్ల అతని గర్ల్ ఫ్రెండ్ కీర్తి (నివేతా పేతురాజ్) దగ్గరవ్వడంలో సహాయపడతాయి. ఆ పైన కథ ఎలా సాగుతుంది? డాక్టర్ సంజయ్‌ను చంపింది నిజంగా ప్రమాదమేనా? దాస్ తర్వాత ఏం చేస్తాడు అన్నదే మిగతా కథ.
నటీనటులు: విశ్వక్ సేన్ తన గత చిత్రాలతోనే ప్రతిభావంతుడైన నటుడిగా నిరూపించుకున్నారు. అలాగే ఈ సినిమాలో కమర్షియల్ హీరోగా తన సామర్థ్యాన్ని ప్రదర్శించారు మరియు హాస్య సన్నివేశాలతో పాటు భావోద్వేగ క్షణాల్లో కూడా సులభంగా నటించారు. నివేదా పేతురాజ్ విశ్వక్ సేన్ యొక్క మేనరిజమ్స్ కు సపోర్టింగ్ క్యారెక్టర్‌గా నిలవడం తప్ప పెద్దగా ఆమెకు ఏమీ చేయడానికి ఏమీ లేదు. ఆమె స్క్రీన్ పై చాలా బాగున్నారు కానీ పెర్ఫార్మెన్స్ పరంగా స్కోప్ లేదు. రావు రమేష్, హైపర్ ఆది మరియు ఇతరులు బాగానే చేశారు కానీ అంతకు మించి కొత్తగా ఏమీ చేయలేకపోయారు.
విశ్లేషణ: దాస్ కా ధమ్కీ మొదటి సగం పెద్ద సమస్యలు లేకుండా సాగుతుంది. ప్రేక్షకులు ఆశించే లాగానే సాగినప్పటికీ, కామెడీ మరియు ఎంటర్టైన్మెంట్ మిక్స్ చేసి చాలా వేగవంతంగా నడుస్తుంది. అలాగే ఒక పేద యువకుడుకీ ధనిక అమ్మాయికీ మధ్య నడిచే లవ్ ట్రాక్ చాలా ఊహించదగినది. అయినప్పటికీ, మొదటి సగం ప్రేక్షకులను అలరించే అంశాలను కలిగి ఉంది. అయితే ద్వితీయార్ధంలో, విశ్వక్ సేన్ దురదృష్టవశాత్తూ కథాంశం పై పట్టు కోల్పోయారు మరియు ప్లాట్ యొక్క బలహీనత కూడా ఈ సగంలోనే బహిర్గతమవుతుంది. చాలా నెమ్మదిగా సాగే సన్నివేశాలు మరియు బలవంతపు నేపథ్యంలో వచ్చే మలుపులు ప్రేక్షకులకి సినిమా మీద ఉన్న ఆసక్తిని కోల్పోయేలా చేస్తాయి.
ప్లస్ పాయింట్స్ :
- విశ్వక్ సేన్ నటన
- పాటలు
- ఫస్ట్ హాఫ్ కామెడీ
మైనస్ పాయింట్స్:
- ఊహించదగిన కథనం
- ద్వితీయార్ధం స్క్రీన్ ప్లే
- బలవంతపు మలుపులు
- ఆకట్టుకునే సన్నివేశాలు లేకపోవడం
తీర్పు:
దాస్ కా ధమ్కీ ఒక వినోదాత్మక చిత్రం, కానీ అక్కడక్కడా మాత్రమే ఈ సినిమా ఆకట్టుకుంటుంది ముఖ్యంగా మొదటి సగం ఆసక్తిని కలిగిస్తుంది, ఇంటర్వల్ వరకూ ఆ ఆసక్తి కొనసాగినా.. ద్వితీయార్ధంలో రివెంజ్ పాయింట్‌కి సరికొత్త విధానంతో గట్టి స్క్రీన్‌ప్లే ఉండుంటే సినిమాకు బాగా సహయపడేది.