బెల్లంకొండ సాయి శ్రీనివాస్, రకుల్ ప్రీత్ సింగ్ జంటగా.. ప్రగ్య జైస్వాల్ మరో ముఖ్య పాత్రలో నటించిన జయ జానకి నాయక చిత్రం యూట్యూబ్‌లో వరల్డ్ రికార్డు సృష్టించింది. ఈ సినిమాకి బోయపాటి శ్రీను దర్శకత్వం వహించిన సంగతి తెలిసిందే. కాగా నిర్మాత మిర్యాల రవీందర్ రెడ్డి. ఆశ్చర్యకరమైన విషయం ఏంటంటే.. ఈ సినిమా విడుదలై ఐదేళ్లు గడిచినా ఆదరణ ఏమాత్రం తగ్గలేదు. ఈ సినిమా హిందీ వెర్షన్ యూట్యూబ్‌లో వైరల్‌గా మారింది. ఇప్పటి వరకు 709 మిలియన్ వ్యూస్ తో ఏకంగా వరల్డ్ రికార్డు సృష్టించింది.
ప్రశాంత్ నీల్ తెరకెక్కించిన కేజీఎఫ్ 702 మిలియన్ వ్యూస్‌తో రెండో స్థానంలో నిలిచింది. అల్లుడు శీను సినిమాతో తెలుగు చిత్ర పరిశ్రమలోకి అడుగుపెట్టిన బెల్లంకొండ సాయి శ్రీనివాస్ ఆ తర్వాత రెండో సినిమా స్పీడున్నోడుతో పరాజయాన్ని చవిచూశారు. ఆ తర్వాత మాస్ యాక్షన్ చిత్రాల స్పెషలిస్ట్ బోయపాటి శ్రీను దర్శకత్వంలో జయ జానకి నాయక సినిమాతో ప్రేక్షకుల ముందుకు వచ్చారు.
ఈ చిత్రం 11 ఆగస్టు 2017న థియేటర్‌లలో విడుదలైంది. ఈ చిత్రం బాక్సాఫీస్ వద్ద మంచి ఓపెనింగ్స్‌ను రాబట్టినా.. వారాంతం తర్వాత అదే నిలకడను కొనసాగించడంలో విఫలమైంది. ఈ చిత్రానికి దేవి శ్రీ ప్రసాద్ సంగీతం అందించారు. ఈ చిత్రంలో జగపతి బాబు, శరత్ కుమార్, తరుణ్ అరోరా, సుమన్ ఇతర కీలక పాత్రల్లో నటించారు.
బెల్లంకొండ శ్రీనివాస్ ప్రస్తుతం ప్రభాస్ నటించిన ఛత్రపతిని హిందీలో రీమేక్ చేస్తున్నారు. వివి వినాయక్ ఈ చిత్రానికి దర్శకుడు. ఇటీవల, చిత్ర నిర్మాతలు మే 12, 2023న ప్రపంచవ్యాప్తంగా ఈ సినిమాని విడుదల చేయనున్నట్లు ప్రకటించారు. నిర్మాతలు తెలుగులోని ఛత్రపతి టైటిల్ నే హిందీలో కూడా ఉంచారు మరియు ఫస్ట్ లుక్ పోస్టర్‌ను విడుదల చేశారు.
కాగా ఈ సినిమాలో ముఖ్య పాత్రల్లో సాహిల్ వైద్, అమిత్ నాయర్, రాజేంద్ర గుప్తా, శివం పాటిల్, స్వప్నిల్, ఆశిష్ సింగ్, మహ్మద్ మోనాజీర్, ఔరోషికా డే, వేదిక, జాసన్ లు నటించనుండగా, నుష్రత్ భరుచ్చా ఈ చిత్రంలో కథానాయికగా నటిస్తున్నారు. ఇప్పటికే నిర్మాణ కార్యక్రమాలు పూర్తి చేసుకున్న ఈ సినిమా నిర్మాణానంతర కార్యక్రమాలను కూడా జరుపుకుంటోంది.