ఈ సంక్రాంతి/పొంగల్ కి విడుదలైన 4 తెలుగు సినిమాలు బాక్సాఫీస్ వద్ద మంచి వసూళ్లు రాబట్టాయి. తెలుగులో వాల్తేరు వీరయ్య విజేతగా నిలవగా, తమిళంలో వారిసు అదే ఘనతను నమోదు చేసింది. అయితే పెర్ఫార్మెన్స్ పరంగా పరిశీలిస్తే బాలకృష్ణ స్క్రీన్ ప్రెజెన్స్ , స్వాగ్ , పెర్ఫార్మెన్స్ కు సాటి ఎవరూ రాలేదనే చెప్పాలి.
వీరసింహారెడ్డి పాత్రలో మెస్మరైజ్ చేసిన ఆయనకు ఇది కెరీర్ బెస్ట్ మేకోవర్ అని చెప్పొచ్చు. కేవలం ఆయన లుక్స్, స్క్రీన్ ప్రెజెన్స్, పెర్ఫార్మెన్స్ మాత్రమే ఈ సినిమా బాక్సాఫీస్ వద్ద రాణించడానికి ప్రధాన కారణంగా నిలిచి కథలోని ఇతర లోపాలన్నింటినీ కవర్ చేసింది.
మిగతా మూడు సినిమాల్లో హీరోలు కూడా తమ వంతు కృషి చేసినా.. బాలకృష్ణ మాత్రం సాటిలేని స్వాగ్, పవర్ ఫుల్ డైలాగ్ డెలివరీతో ఈ సంక్రాంతికి అందరినీ డామినేట్ చేశారు.
వీరసింహారెడ్డి తెలుగు రాష్ట్రాల్లో మొదటి వారం 56 కోట్ల షేర్ వసూలు చేసింది. సెకండ్ వీకెండ్ నాటికి ఈ సినిమా బ్రేక్ వెన్ మార్క్ ను అందుకోవడానికి సిద్ధం అవుతోంది. ఈ సినిమా థియేట్రికల్ రైట్స్ విలువ 74.7 కోట్లు కాగా ప్రపంచ వ్యాప్తంగా ఈ సినిమా తొలి వారంలో 65.04 కోట్లు వసూలు చేసింది.
అఖండ నుంచి బాలకృష్ణ తన కెరీర్ బెస్ట్ ఫేజ్ ను ఎంజాయ్ చేస్తున్నారు. అప్పటి వరకు ఆయన బాక్సాఫీస్ స్టామినా కాస్త నిలకడగా లేకపోయినా ఆ ఒక్క సినిమా మాత్రం అన్నీ మార్చేసింది. ఇప్పుడు ఆయన నటించిన తాజా చిత్రం వీరసింహారెడ్డి కలెక్షన్లే దీనికి పెద్ద నిదర్శనం,మిక్స్ డ్ టాక్ తో వచ్చిన ఈ సినిమాని తన స్క్రీన్ ప్రెజెన్స్, పెర్ఫార్మెన్స్ తో నిలబెట్టిన బాలకృష్ణ.. తన కెరీర్ బెస్ట్ కలెక్షన్లు నమోదయ్యేలా చేశారు.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.