అఖిల్ అక్కినేని ‘ఏజెంట్’ ఈ నెలాఖరున థియేటర్లలో విడుదల కానుంది. భారీ బడ్జెట్ తో స్పై థ్రిల్లర్ గా సురేందర్ రెడ్డి దర్శకత్వంలో రూపొందిన ఈ చిత్రం ఏప్రిల్ 28న ప్రేక్షకుల ముందుకు రానుంది. విడుదలకు ముందే ప్రచార కార్యక్రమాలను ప్రారంభించిన చిత్ర బృందం రేపు ఈ సినిమా థియేట్రికల్ ట్రైలర్ ను విడుదల చేయనుంది. కాగా ఈ సినిమా వరల్డ్ వైడ్ థియేట్రికల్ బిజినెస్ క్లోజ్ అయింది.
అన్ని సంప్రదింపుల తర్వాత నిర్మాతలు ఏజెంట్ థియేట్రికల్ బిజినెస్ మొత్తాన్ని క్లోజ్ చేశారు. ఆంధ్ర [6 ఏరియాలు కలిపి] వ్యాపారం 15 కోట్ల నిష్పత్తిలో జరిగింది, సీడెడ్ హక్కులు 4.5 కోట్లకు కొనుగోలు చేయబడ్డాయి. నైజాంలో సినిమా విలువ 10 – 11 కోట్లు. ఓవరాల్ గా తెలుగు రాష్ట్రాల బిజినెస్ 30 కోట్లు కాగా, మిగిలిన ఏరియా బిజినెస్ 7 కోట్ల వరకు ఉంటుంది.
మొత్తంగా ఏజెంట్ వరల్డ్ వైడ్ థియేట్రికల్ బిజినెస్ 37 కోట్లు కాగా, బ్రేక్ ఈవెన్ సాధించాలంటే ఈ సినిమా 40 కోట్ల షేర్ కి దగ్గరగా వసూలు చేయాల్సి ఉంటుంది.
మలయాళ మెగాస్టార్ మమ్ముట్టి ఈ చిత్రంలో కీలక పాత్రలో నటిస్తుండగా, సాక్షి వైద్య హీరోయిన్ గా నటిస్తున్నారు. ఏకే ఎంటర్టైన్మెంట్స్, సురేందర్ 2 సినిమా పతాకాల పై రామబ్రహ్మం సుంకర నిర్మించిన ఈ చిత్రానికి అజయ్ సుంకర, పాటి దీపారెడ్డి ఎగ్జిక్యూటివ్ ప్రొడ్యూసర్లుగా వ్యవహరించారు.
భారీ యాక్షన్ సన్నివేశాలతో వివిధ దేశాలు, ప్రాంతాల మధ్య ప్రయాణించే స్పై థ్రిల్లర్ గా ఈ చిత్రం రూపొందనుందని సమాచారం. జాతీయ అవార్డు గ్రహీత నవీన్ నూలి ఎడిటింగ్ చేస్తున్న ఈ చిత్రానికి రసూల్ ఎల్లోర్ సినిమాటోగ్రఫీ అందిస్తున్నారు.