ఎన్నో ఏళ్ల గ్యాప్ అనంతరం లోక నాయకుడు కమలహాసన్ దిగ్గజ దర్శకుడు మణిరత్నం కలయికలో తెరకెక్కిన తాజా గ్యాంగ్ స్టార్ యాక్షన్ డ్రామా మూవీ థగ్ లైఫ్. ఈ సినిమాలో అందాల కథానాయిక త్రిష హీరోయిన్ గా నటించగా శింబు మరొక కీలకపాత్ర పోషించారు.
నాజర్, మహేష్ మంజ్రేకర్, అభిరామి, తనికెళ్ల భరణి తదితరులు కీలకపాత్రలు పోషించిన ఈ సినిమా ఇటీవల మంచి అంచనాలతో ఆడియన్స్ ముందుకు వచ్చి ఫస్ట్ డే నుండే నెగటివ్ టాక్ ని మూటకట్టుకుంది. ఓవరాల్ గా ఇప్పటివరకు కేవలం రూ. 80 కోట్ల గ్రాస్ కలెక్షన్ వద్దనే కొనసాగుతున్న థగ్ లైఫ్ మూవీ డిజాస్టర్ దిశగా నడుస్తోంది.
తమిళనాడు సహా అనేక ప్రాంతాల్లో ఈ సినిమా ఆల్మోస్ట్ క్లోజింగ్ దిశగా పయనిస్తోంది. మరోవైపు ఈ సినిమా యొక్క డిజిటల్ రైట్స్ ని కొనుగోలు చేసిన ప్రముఖ ఓటీటి సంస్థ నెట్ ఫ్లిక్స్ అతి త్వరలో ఈ మూవీని ఓటీటి ఆడియన్స్ ముందుకు తీసుకొచ్చేందుకు సిద్ధమవుతుందనేది లేటెస్ట్ టాలీవుడ్ వర్గాల టాక్. వాస్తవానికి ఈ సినిమా ఎనిమిది వారాల అనంతరం ఓటిటి లో రిలీజ్ కావాల్సి ఉంది.
అయితే ప్రస్తుతం సినిమా ఆల్మోస్ట్ అన్ని ఏరియాల్లో క్రాష్ అవ్వడంతో అతిత్వరలోనే దీనిని ఓటీటీలో రిలీజ్ చేయనున్నారట. దీనికి సంబంధించి త్వరలో నెట్ ఫ్లిక్స్ నుంచి అఫీషియల్ అనౌన్స్మెంట్ కూడా రానిందని ఓవరాల్ గా ఇండియన్ 2 అనంతరం మరొక భారీ డిజాస్టర్ గా ఈ మూవీ కమల్ హాసన్ కెరీర్ లో నిలిచిందని తెలుస్తోంది.