డిజె టిల్లు సినిమా ఇప్పటివరకు ఈ సంవత్సరం హిట్ అయిన సినిమాలలో అందరినీ ఆశ్చర్య పరిచిన సినిమాగా నిలిచింది. చాలా తక్కువ బడ్జెట్‌తో చిత్రీకరించబడిన చిన్న చిత్రంగా విడుదలై, ఈ కామెడీ ఎంటర్‌టైనర్ బాక్సాఫీస్ వద్ద తుఫాను సృష్టించిందనే చెప్పాలి. నిజానికి 2022 సంవత్సర ప్రారంభంలో వరుస పరాజయాలతో సతమతవుతున్న తెలుగు సినిమా పరిశ్రమకు ఎంతో హాయిని, ఆనందాన్ని ఇచ్చే సూపర్ హిట్‌ని అందించింది.
ఈ చిత్రంలో టైటిల్ రోల్ లో హీరో సిద్ధు జొన్నలగడ్డ క్యారెక్టరైజేషన్, ఆద్యంతం ఎనర్జీతో నిండిన తన పెర్ఫార్మెన్స్ ఈ సినిమాకి హైలైట్‌గా నిలిచి బ్లాక్‌బస్టర్‌ విజయం సాధించడంలో ప్రధాన పాత్ర పోషించింది.
ఇక భారీ విజయం సాధించిన ఈ సినిమాకు చాలా తొందరగానే సీక్వెల్ ను కూడా ప్రకటించారు. మొదట్లో డిజె టిల్లు సీక్వెల్, తొలి భాగంలో ఉన్న తారాగణం మరియు అదే చిత్ర బృందంతో చాలా అద్భుతమైన సందడితో ఘనంగా ప్రారంభమైంది. అయితే ఆ తర్వాత కొన్ని సృజనాత్మక విభేదాల కారణంగా దర్శకుడు విమల్ కృష్ణ ఈ ప్రాజెక్ట్ నుండి తప్పుకున్నారు.
ఇక తొలుత దర్శకుడు విమల్ కృష్ణ తర్వాత, హీరోయిన్ గా ఎంపికైన లేటెస్ట్ సెన్సేషన్, నటి శ్రీ లీల కూడా ఈ ప్రాజెక్ట్ నుండి తప్పుకున్నారు, ఇలాంటి వరుస ఇబ్బందుల వల్ల ఈ చిత్ర నిర్మాతలతో పాటు హీరో సిద్ధు జొన్నలగడ్డ కూడా కొన్ని రోజుల పాటు కాస్త గందరగోళ స్థితిలో ఉన్నారు. అయితే, ఎట్టకేలకు వారు హీరోయిన్ శ్రీలీలకి ప్రత్యామ్నాయాన్ని కనుగొన్నారని తెలుస్తోంది.
తెలుగు సినీ ప్రేక్షకులు చాలా కాలంగా ఆసక్తితో ఎదురుచూస్తున్న ఈ సీక్వెల్ లో హీరోయిన్ గా అనుపమ పరమేశ్వరన్ ఎంపికైనట్లు తాజా సమాచారం. కాగా ఈ నటి తన చివరి చిత్రం కార్తికేయ 2 విజయంతో మంచి జోరు మీద ఉన్నారు. డిజె టిల్లు సీక్వెల్ తో కూడా అలాంటి భారీ విజయాన్ని అనుపమ తమకు అందిస్తారని చిత్ర నిర్మాతలు ఆశిస్తున్నారు. మరి వారి ఆశలు నిజమవ్వాలి అనే కోరుకుందాం.