ప్రస్తుతం త్రివిక్రమ్ తో సినిమా (SSMB28) చేస్తున్న సూపర్ స్టార్ మహేష్ బాబు ఆ తర్వాత దర్శకధీరుడు రాజమౌళి కాంబినేషన్లో ఒక సినిమా చేయనున్న సంగతి తెలిసిందే. మహేష్, రాజమౌళి కాంబినేషన్ అంటే ఆయన అభిమానులతో పాటు సినీ ప్రేమికులు అంతా ఎంతో ఆసక్తిగా ఎదురు చూస్తున్నారు. ఆర్ఆర్ఆర్ లాంటి ఘన విజయం తర్వాత ఈ దిగ్గజ దర్శకుడు ఏం చేస్తారోనని అందరూ ఆసక్తిగా ఎదురుచూస్తున్నారు.
ఇండియానా జోన్స్ ఫ్రాంచైజీ తరహాలో ప్రపంచవ్యాప్తంగా సంచలన స్థాయిలో ఒక యాక్షన్ అడ్వెంచర్ చిత్రంగా ఈ చిత్రం ఉంటుందని, ఇందులో హై ఆక్టేన్ యాక్షన్ సన్నివేశాలు ఉంటాయని రాజమౌళి ఇదివరకే వెల్లడించారు.
ప్రస్తుతం తాను ఈ సినిమా రచనా దశలో ఉన్నానని, పాశ్చాత్య దేశాల్లో ఆర్ఆర్ఆర్ ఘనవిజయం సాధించడానికి ముందే గ్లోబల్ బ్యాక్ డ్రాప్ లో ఈ సినిమాను తెరకెక్కించే ఆలోచనలో ఉన్నానని రాజమౌళి వెల్లడించారు. దశాబ్ద కాలంగా ఈ ప్రాజెక్ట్ ప్లాన్ లో ఉందని, ఎట్టకేలకు మహేష్ తో ఈ సినిమా మెటీరియలైజ్ కావడం చాలా ఆనందంగా ఉందని రాజమౌళి అన్నారు.
సినిమా పట్ల నిజమైన అభిరుచి ఉన్న, తన గొప్ప విజన్ ను పంచుకునే సరైన వ్యక్తులను ఈ చిత్రంలో భాగం అయ్యేలా ఎంచుకోవడానికి ప్రముఖ టాలెంట్ ఏజెన్సీ CAA (Creative Artists Agency)తో ఒప్పందం కుదుర్చుకున్నట్లు కూడా తెలిపారు. వారు సరైన వ్యక్తులతో తనను టచ్ లో ఉంచారని తెలిపిన రాజమౌళి.. ఈ సినిమా సెట్స్ పైకి వెళ్లడానికి ఇంకా చాలా దూరంలోనే ఉందని ఆయన అన్నారు. మొత్తానికి ఈ సినిమాకి జరుగుతున్న పరిణామాల పట్ల రాజమౌళి ఖచ్చితంగా సంతోషంగా ఉన్నారని సమాచారం.
We are hiring passionate and enthusiastic content writers who can create original stories. If you are interested in full time, part time or freelancing, email us at jobs@tracktollywood.com. You need to work a 5 hour shift and be available to write articles. Kindly include your sample articles. Applications without sample articles will not be encouraged.