చిన్న గ్యాప్ తర్వాత కన్నడ చిత్రపరిశ్రమ నుంచి మరో పాన్ ఇండియా చిత్రంగా తెరకెక్కిన ‘కబ్జా’ త్వరలో ప్రేక్షకుల ముందుకు రాబోతోంది. కన్నడ స్టార్ హీరో ఉపేంద్ర ఈ చిత్రంలో ప్రధాన పాత్రలో నటించగా, సుదీప్, శివరాజ్ కుమార్, శ్రియ ఇతర కీలక పాత్రల్లో నటించారు. కాగా భారీ బడ్జెట్ తో తెరకెక్కిన ఈ సినిమా షూటింగ్ శరవేగంగా జరుపుకుంది. మార్చి 17న విడుదల కానున్న ఈ పాన్ ఇండియా ప్రాజెక్ట్ పై చిత్ర బృందం ఎన్నో ఆశలు పెట్టుకున్నారు.
రిచ్ విజువల్స్, అద్భుతమైన బ్యాక్ గ్రౌండ్ మ్యూజిక్ తో నిండిన ఈ సినిమా ట్రైలర్ ఇటీవలే విడుదలై సినిమా పై అంచలనాను పెంచింది. కానీ ఒక కథను భారీ స్థాయిలో చెప్పాలనుకున్న ఈ సినిమాకు రన్ టైం చాలా తక్కువ అనే చెప్పాలి. సాధారణంగా ఏదైనా పాన్ ఇండియా లేదా భారీ బడ్జెట్ సినిమాలకు రన్ టైం కనీసం 150 నిమిషాలు, కొన్ని పాన్ ఇండియా సినిమాలకు 170 నిమిషాలు – 180 నిమిషాలు ఉంటుంది.
మరో వైపు కబ్జా కేవలం 136 నిమిషాల రన్ టైం మాత్రమే ఉండడం ఈ సినిమాకు మైనస్ గా మారే అవకాశం ఉంది. పీరియాడిక్ యాక్షన్ డ్రామాగా తెరకెక్కిన ఈ చిత్రం ఈ శుక్రవారం విడుదల కానుంది. మరి ఈ వీకెండ్ లో విడుదలై ఈ సినిమా ప్రేక్షకుల అభిమానాన్ని చూరగొంటుందో లేదో చూడాలి.
‘కబ్జా’ చిత్రం 1945 బ్రిటీష్ రాజ్ నేపథ్యంలో తెరకెక్కింది. ఆర్.చంద్రు దర్శకత్వం వహించిన ఈ చిత్రం ఎయిర్ఫోర్స్ సైనికుడి కథగా రూపొందింది. మాఫియా ప్రపంచాన్ని శాసించడానికి వచ్చిన స్వాతంత్ర్య సమరయోధుడి కుమారుడుగా ఉపేంద్ర కనిపించనున్నారు. పునీత్ రాజ్ కుమార్ పుట్టినరోజు సందర్భంగా 2023 మార్చి 17న విడుదల కానున్న ఈ చిత్రం కన్నడ, తమిళం, తెలుగు, మలయాళం, హిందీ, బెంగాలీ, ఒడియా సహా ఏడు భాషల్లో ఏకకాలంలో విడుదల కానుంది.
We are hiring passionate and enthusiastic content writers who can create original stories. If you are interested in full time, part time or freelancing, email us at jobs@tracktollywood.com. You need to work a 5 hour shift and be available to write articles. Kindly include your sample articles. Applications without sample articles will not be encouraged.