ఏప్రిల్ 8న అల్లు అర్జున్ పుట్టిన రోజు కావడంతో ఆ రోజు పుష్ప 2 టీజర్ అప్డేట్, అలాగే సినిమా షూటింగ్ కు సంబంధించిన ఇతర సమాచారం కోసం డిమాండ్ పెరుగుతోంది. ఈ సందర్భాన్ని పురస్కరించుకుని ఐకాన్ స్టార్ యాక్షన్ ఎంటర్టైనర్ దేశముదురు ప్రత్యేక ప్రదర్శనలను అభిమానులు ఇప్పటికే ఏర్పాటు చేశారు. కానీ, వారి ప్రధాన డిమాండ్ పుష్పరాజ్ ప్రపంచాన్ని చూడటమే.
పుష్ప 2 టీజర్ ఈ వారం రాకపోవచ్చు కానీ బన్నీ పుట్టిన రోజు సందర్భంగా పుష్ప 2 కాన్సెప్ట్ టీజర్ ను విడుదల చేసే అవకాశం ఉందని సమాచారం. కాన్సెప్ట్ టీజర్ ను ఏప్రిల్ 7న, ఫస్ట్ లుక్ ను ఏప్రిల్ 8న విడుదల చేసేందుకు ప్లాన్ చేస్తున్నారట. అయితే రేపు ఉదయం 11:07 గంటలకు అధికారికంగా ఈ సినిమాకి సంభందించి అప్డేట్ రానుందని చిత్ర బృందం ప్రకటించింది.
మరి పుష్ప ప్రీక్వెల్ ఫస్ట్ లుక్ పోస్టర్ ఎంత ఆకర్షణీయంగా, ఆసక్తికరంగా ఉంటుందో రెండవ భాగం అంటే పుష్ప 2 యొక్క ఫస్ట్ లుక్ కూడా అంతే ఆకర్షణీయంగా, ఆసక్తికరంగా ఉంటుందని ఆశిద్దాం.
హద్దులు దాటి ఇంటర్నేషనల్ బ్యాక్ డ్రాప్ లో తెరకెక్కనున్న ఈ సినిమాలో అల్లు అర్జున్ పాత్ర ఎన్నో రకాల అడ్డంకులను ఎదుర్కొంటుంది. శ్రీ వల్లి పాత్రలో రష్మిక మందన్న, పుష్ప 2లో భన్వర్ సింగ్ షెకావత్ పాత్రలో ఫహద్ ఫాజిల్ కనిపించనుండగా, ఆయన పాత్ర అందరినీ ఆశ్చర్యపరుస్తుందట. ఈ పాన్ ఇండియా సినిమాలో ఒక ముఖ్య పాత్ర కోసం జగపతిబాబును కూడా తీసుకున్నారు.
ఇప్పటికే పలువురు డిస్ట్రిబ్యూటర్లు పుష్ప 2 రైట్స్ గురించి ఆరా తీసి రికార్డు ధరలకు ఆఫర్ చేస్తున్నారని తెలియవచ్చింది. ఇంత భారీ డిమాండ్ ఉన్నప్పటికీ మైత్రీ మూవీ మేకర్స్ ఎవరికీ ఎలాంటి రైట్స్ ఇవ్వడం లేదని, ఈ సినిమాను అన్ని భాషల్లో సొంతంగా విడుదల చేసే యోచనలోనే ఉన్నారనీ తెలుస్తోంది.