పవన్ కళ్యాణ్, సుజీత్ కాంబినేషన్ లో తెరకెక్కుతున్న ఓజీ సినిమా పై ఈ మధ్య కాలంలో భారీ అంచనాలు నెలకొన్నాయి. సుజీత్ స్టైలిష్ టేకింగ్, పవన్ కళ్యాణ్ పవర్ఫుల్ స్క్రీన్ పెర్ఫార్మెన్స్ యొక్క కాంబినేషన్ కోసం పవన్ అభిమానులు ఎంతో ఆసక్తిగా ఎదురుచూస్తున్నారు. ఇప్పటివరకు విడుదలైన ప్రమోషనల్ కంటెంట్ ఈ సినిమా పట్ల విపరీతమైన ఉత్కంఠ ఏర్పడేలా చేసింది.
తాజాగా టైటిల్ రివీల్ తో వచ్చిన కాన్సెప్ట్ వీడియోతో ఈ సినిమా ఒక యాక్షన్ ప్యాక్డ్ థ్రిల్లర్ గా ఉండబోతుందని అభిమానులతో సహా అంచనా వేస్తున్నారు. ఈ తరం ప్రేక్షకుల అభిరుచికి సరిపోయేలా ఒక ట్రెండీ యాక్షన్ ఎంటర్టైనర్ గా ఉండే అంశాలు అన్నీ ఈ సినిమాలో ఉండేటట్లు కనిపిస్తుంది.
గత వారమే ఈ సినిమా షూటింగ్ ప్రారంభం కాగా, పవన్ కళ్యాణ్ ఈ రోజు ముంబైలో ఓజీ సెట్స్ లో జాయిన్ అయ్యారు. ప్రియాంక మోహన్ కథానాయికగా నటిస్తున్న ఈ చిత్రంలోని ఇతర తారాగణం, సాంకేతిక నిపుణుల వివరాలను త్వరలోనే ప్రకటించనున్నారు. ప్రభాస్ నటించిన సాహో చిత్రానికి దర్శకత్వం వహించిన సుజీత్ ఈ పవర్ స్టార్ యాక్షన్ ప్రాజెక్ట్ తో స్ట్రాంగ్ రీఎంట్రీ ఇవ్వడానికి ఆసక్తిగా ఉన్నారు. డీవీవీ ఎంటర్ టైన్ మెంట్ పతాకం పై ఈ చిత్రాన్ని నిర్మిస్తున్నారు.
పాన్ ఇండియా మూవీగా తెలుగు, హిందీ, మలయాళం, తమిళం, కన్నడ భాషల్లో ఈ సినిమా విడుదల కానుంది. వరుస షెడ్యూల్స్ ను నిర్వహించి పోస్ట్ ప్రొడక్షన్ పనులతో సహా 6 నెలల్లో సినిమాను పూర్తి చేసి, ఈ ఏడాది చివర్లో సినిమాను విడుదల చేయాలని చిత్ర యూనిట్ ప్లాన్ చేస్తోంది.
We are hiring passionate and enthusiastic content writers who can create original stories. If you are interested in full time, part time or freelancing, email us at jobs@tracktollywood.com. You need to work a 5 hour shift and be available to write articles. Kindly include your sample articles. Applications without sample articles will not be encouraged.