నిఖిల్ సిద్ధార్థ్ హీరోగా, కలర్స్ స్వాతి హీరోయిన్ గా నటించి 2014 లో విడుదలైన సినిమా “కార్తికేయ”. చందు మొండేటి దర్శకత్వం వహించిన ఈ సినిమా చక్కని ప్రశంసలతో పాటు బాక్స్ ఆఫీస్ వద్ద సూపర్ హిట్ గా నిలిచింది. 8 ఏళ్ళ తరువాత అదే హీరో – డైరెక్టర్ కాంబినేషన్ లో కార్తికేయ 2 రాబోతుంది.
ఈ సీక్వెల్ ఉంటుంది అని ప్రకటన రాగానే ప్రేక్షకుల్లో ఆసక్తి కలిగింది. ఇక ఫస్ట్ లుక్, ఇటీవలే విడుదల అయిన టీజర్ మరియు ట్రైలర్ లతో ఆ క్రేజ్ మరింత పెరిగింది. మామూలుగానే సీక్వెల్ సినిమాలు అంటే క్రేజ్ బాగా ఉంటుంది అందులోనూ కృష్ణుడు,ద్వారకా నేపథ్యం అవడంతో మనకి తెలియని విషయాలు ఎన్నో సినిమాలో ఉంటాయి అన్న ఆసక్తి ప్రేక్షకుల్లో కలుగుతుంది.
ఇలా అన్ని వైపులా మంచి క్రేజ్ ఉన్న ఈ సినిమాకి ప్రి రిలీజ్ బిజినెస్ కూడా అదే స్థాయిలో జరగనుంది. విశ్వసనీయ వర్గాల ప్రకారం వరల్డ్ వైడ్ థియేట్రికల్ రైట్స్ ను 18 కోట్లకు ప్రైమ్ షోస్ సంస్థ దక్కించుకుందట.నిఖిల్ కెరీర్ లోనే ఇది అత్యధిక రికార్డుగా చెప్పుకోవచ్చు.ఇక కార్తికేయ 2 నిజంగానే అంచనాలు అందుకుని సూపర్ హిట్ గా నిలిస్తే నిఖిల్ స్టార్డం ఒక మెట్టు పైకి వెళుతుంది అనడంలో ఎలాంటి అనుమానం లేదు.
ఈ సినిమాలో నిఖిల్ సరసన హీరోయిన్ గా అనుపమ పరమేశ్వరన్ నటిస్తుంది.ప్రముఖ బాలీవుడ్ నటుడు అనుపమ్ ఖేర్ ఒక ముఖ్య పాత్ర పోషిస్తుండగా శ్రీనివాస‌రెడ్డి, ప్ర‌వీణ్‌, ఆదిత్యా మీన‌న్‌, తుల‌సి, స‌త్య, వైవా హ‌ర్ష, వెంక‌ట్‌ కీలకపాత్రలలో నటిస్తుండగా.. కాలభైరవ మ్యూజిక్ అందిస్తున్నారు. ఈ సినిమాతో పాటు నిఖిల్ తదుపరి రిలీజ్ చేయబోయే 18 పేజెస్ చిత్రంలోనూ అనుపమ పరమేశ్వరన్ హీరోయిన్ గా నటిస్తుంది. ఈ మధ్యే నిఖిల్ మరో కొత్త సినిమా “స్పై ” ను అనౌన్స్ చేయడం జరిగింది. ఆ సినిమా కూడా పాన్ ఇండియా స్థాయిలో తెరకెక్కిస్తున్నారు.
We are hiring passionate and enthusiastic content writers who can create original stories. If you are interested in full time, part time or freelancing, email us at jobs@tracktollywood.com. You need to work a 5 hour shift and be available to write articles. Kindly include your sample articles. Applications without sample articles will not be encouraged.