Hari Hara Veera Mallu: పవర్ స్టార్ పవన్ కల్యాణ్ నటిస్తున్న తాజా చిత్రం ‘హరిహర వీరమల్లు’ ఇప్పటికే శరవేగంగా షూటింగ్ జరుపుకుంటోంది. ఈ సినిమాను దర్శకుడు క్రిష్ తెరకెక్కిస్తోండగా, పీరియాడికల్ ఎంటర్ టైనర్ సబ్జెక్టుతో ఈ చిత్రాన్ని రూపొందిస్తున్నారు. ఇక ఈ సినిమాలో వీరమల్లు అనే ఫిక్షన్ పాత్రలో పవన్ నటిస్తుండగా, ఈ సినిమాలో ఆయన సరికొత్త లుక్ తో కనిపిస్తున్నాడు. ఇప్పటికే రిలీజ్ చేసిన ఆయన ఫస్ట్ లుక్ పోస్టర్స్‌కు అదిరిపోయే క్రేజ్ లభించింది.
ఇటీవల ఈ చిత్రానికి సంబంధించిన వర్క్‌షాప్‌ను చిత్ర యూనిట్ నిర్వహించిన సంగతి తెలిసిందే. ఈ సినిమాను దర్శకుడు క్రిష్ భారీ స్థాయిలో తెరకెక్కిస్తుండటంతో ఈ సినిమాతో పవన్ ఎలాంటి రికార్డులు క్రియేట్ చేస్తాడా అని అందరూ ఆసక్తిగా చూస్తున్నారు. అయితే, ఈ సినిమా షూటింగ్ ప్రస్తుతం రామోజీ ఫిలిం సిటీలో జరుగుతున్నట్లుగా చిత్ర వర్గాలు చెబుతున్నాయి. అంతేగాక, దర్శకుడు ఈ సినిమాలోని కొన్ని వార్ ఎపిసోడ్స్‌ను ప్రస్తుతం చిత్రీకరిస్తున్నాడట.
ఈ వార్ సీక్వె్న్స్‌లో పవన్ కల్యాణ్ వీరమల్లుగా గుర్రం స్వారీ చేస్తూ యుద్ధరంగంలో కదం తొక్కే సీన్స్ అదిరిపోయేలా చిత్రీకరిస్తున్నారట. ఇక ఈ యాక్షన్ సీక్వె్న్స్‌లో పవన్ చేసే స్టంట్స్ అభిమానులను అవాక్కయ్యేలా చేస్తాయని చిత్ర యూనిట్ ధీమా వ్యక్తం చేస్తోంది. ఈ సినిమాలో పవన్ కల్యాణ్‌తో పాటు అందాల భామ నిధి అగర్వాల్, నర్గీస్ ఫక్రీ, అర్జున్ రామ్‌పాల్, సోనాల్ చౌహాన్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు ఎంఎం.కీరవాణి సంగీతాన్ని అందిస్తుండగా, ఏఎం.రత్నం ఈ చిత్రాన్ని అత్యంత భారీ బడ్జెట్‌తో ప్రొడ్యూస్ చేస్తున్నారు. ఈ సినిమాను పాన్ ఇండియా మూవీగా రిలీజ్ చేసేందుకు చిత్ర యూనిట్ రెడీ అవుతోంది.
We are hiring passionate and enthusiastic content writers who can create original stories. If you are interested in full time, part time or freelancing, email us at jobs@tracktollywood.com. You need to work a 5 hour shift and be available to write articles. Kindly include your sample articles. Applications without sample articles will not be encouraged.