ఈ శుక్రవారం తెలుగు ప్రేక్షకుల ముందుకు నాలుగు సినిమాలు వచ్చాయి. విశేషమేమిటంటే అన్ని సినిమాలు కూడా పూర్తిగా భిన్నమైన కథలు మరియు భిన్నమైన కాంబినేషన్లో ఉన్నాయి. మరి ఈ సినిమాల నుంచి ప్రేక్షకుల నుంచి ఎలాంటి స్పందన లభించింది అనేది చూద్దాం.
విశ్వక్ సేన్ నటించిన ఓరి దేవుడా సినిమాకు ఎర్లీ షోల నుండి మంచి స్పందనను తెచ్చుకుంది. సినిమా ఫస్ట్ హాఫ్ డీసెంట్ గా ఉందని, సెకండాఫ్ చాలా బాగుందని టాక్. సెకండాఫ్‌లో చాలా మంచి ఎమోషనల్ మూమెంట్స్‌తో పాటు చక్కని సంగీతం సినిమాకు ప్లస్ అయిందని అంటున్నారు. అలాగే ప్రధాన నటీనటుల నటన కూడా బాగుందని అంటున్నారు. ఓవరాల్ గా థియేటర్లలో హాయిగా చూడదగ్గ మంచి సినిమా అని అంటున్నారు.
ఇక శివ కార్తికేయన్ నటించిన ప్రిన్స్ దర్శకుడు అనుదీప్ అందించిన మరో ఎంటర్‌టైనర్ అంటున్నారు. ఈ చిత్రం జాతిరత్నాలు మాదిరిగానే ఉందని ప్రేక్షకులు సోషల్ మీడియాలో అంటున్నారు. ఒక కంప్లీట్ ఎంటర్‌టైనర్ గా రూపొందిన ఈ సినిమాలో జాతిరత్నాలు లాగా కామెడీ చాలా బాగా వర్కౌట్ అయింది అని టాక్.
ముఖ్యంగా క్లైమాక్స్ ఎపిసోడ్ కు అద్భుతమైన స్పందన వస్తుంది. అయితే ఈ సినిమాలో లోపం ఏమిటంటే ఎమోషనల్ గా కనెక్ట్ అయ్యేంత స్టోరీ పాయింట్ లేకపోవడమే అంటున్నారు. మొత్తానికి సినిమాని కేవలం వినోదం కోసమే చూస్తే తప్పకుండా ఎంజాయ్ చేస్తారని టాక్ వస్తోంది.
కార్తీ ప్రధాన పాత్రలో నటించిన సర్దార్ కంటెంట్ బేస్డ్ సినిమాగా నిలిచింది. దర్శకుడు మిత్రన్ అద్భుతమైన స్క్రీన్ ప్లేతో మరో ఆసక్తికరమైన చిత్రాన్ని అందించారు. ఇక కార్తీ నటన ఎప్పటిలాగే అద్భుతంగా ఉంది. ఈ స్పై యాక్షన్ థ్రిల్లర్‌లో కార్తీ ద్విపాత్రాభినయం చేశారు. గతంలో ఆయన నటించిన ఖైదీ దీపావళికి విడుదలై బ్లాక్‌బస్టర్‌గా నిలిచింది.
ఈ మూడు సినిమాలు ప్రేక్షకుల నుండి సానుకూల సమీక్షలను పొందాయి మరియు సినీ ప్రేమికులకు మంచి వారాంతపు వినోదాన్ని అందించేలా ఉన్నాయి.
మరి బాక్సాఫీస్ వద్ద ఏ సినిమా మెరుగ్గా ఆడుతుందో వేచి చూడాలి. అన్నీ చిన్న బడ్జెట్ సినిమాలే కాబట్టి బాక్సాఫీస్ వద్ద అన్ని సినిమాలు బాగా ఆడేందుకు అవకాశం ఉంది.