మణిరర్నం డ్రీమ్ ప్రాజెక్ట్ `పొన్నియిన్ సెల్వన్` సెప్టెంబర్ 30న భారీ స్థాయిలో ఐదు భాషల్లో విడుదలైంది. చియాన్ విక్రమ్, ఐశ్వర్యారాయ్, కార్తి మరియు త్రిష కీలక పాత్రల్లో నటించారు. భారీ అంచనాల మధ్య విడుదలైన ఈ సినిమా.. తొలి రోజున తమిళం మినహా ఇతర భాషల్లో ప్రేక్షకుల్ని అనుకున్న స్థాయిలో ఆకట్టుకోలేక డివైడ్ టాక్ ని సొంతం చేసుకుంది.
ఇక ఈ సినిమా పై కొందరు తెలుగు ప్రేక్షకులు సోషల్ మీడియా వేదికగా కొంచెం మితిమీరి ట్రోల్స్ కూడా వ్యక్తం చేశారు. అయితే ఆ డివైడ్ టాక్ వల్ల సినిమాకి పెద్దగా నష్టం లేదనే చెప్పాలి. ఎందుకంటే కేవలం తమిళనాడు, తెలుగు రాష్ట్రాలు, కేరళ మరియు కర్ణాటక మాత్రమే కాదు ప్రపంచ వ్యాప్తంగా పొన్నియిన్ సెల్వన్ నిలకడగా రాణిస్తూ బ్లాక్ బస్టర్ హిట్ గా దూసుకుపోతుంది.
పొన్నియిన్ సెల్వన్ బాక్సాఫీస్ వద్ద తొలి వీకెండ్ భారీ వసూళ్లను రాబట్టడంలో సఫలమైంది, అంతే కాక భారతదేశంలో దాదాపు 130 కోట్ల గ్రాస్ ను వసూలు చేసింది. ఇక ఓవర్సీస్‌లో దాదాపు 100 కోట్లు వసూలు చేయడం విశేషం. తమిళనాట అయితే సోమవారం కూడా ఈ చిత్రానికి సంచలన అడ్వాన్స్ బుకింగ్స్ నమోదయ్యాయి. ప్రస్తుతం ఈ సినిమా కలెక్షన్ల ట్రెండ్ చూస్తుంటే బాక్స్ ఆఫీస్ వద్ద రన్ ముగిసే సరికి ఒక్కో ఏరియాలో ఎంత వసూలు చేస్తుందో ట్రేడ్ వర్గాలు వేస్తున్న అంచనాలు ఇలా ఉన్నాయి.
తమిళనాడులో 220 – 240 కోట్ల గ్రాస్, తెలుగు రాష్ట్రాలలో 25 – 30 కోట్ల గ్రాస్, ఇక కర్ణాటకలో 25 – 30 కోట్ల గ్రాస్, కేరళలో 20 – 25 కోట్ల వరకూ.. ఆ పై ఉత్తర భారతదేశంలో 25 – 30 కోట్ల గ్రాస్ కలెక్ట్ చేసిందని అంచనా వేస్తున్నారు. ఇప్పటికే రికార్డుల మోత మోగిస్తున్న ఓవర్సీస్ వద్ద 160 – 180 కోట్ల గ్రాస్ కలెక్ట్ చేసే అవకాశం ఉందని అంటున్నారు.
మొత్తంగా పొన్నియిన్ సెల్వన్ బాక్సాఫీస్ వద్ద కలెక్షన్ల ట్రెండ్ ఇలాగే కొనసాగితే ఈ సినిమా బాక్స్ ఆఫీస్ వద్ద 500 కోట్ల గ్రాస్ మార్క్ ని చేరుకునే అవకాశం ఎంతైనా ఉంది అంటున్నాయి ట్రేడ్ వర్గాలు. మరి ఆ మ్యాజికల్ నంబర్ ను పొన్నియిన్ సెల్వన్ సాధిస్తుందా లేదా చూడాలి.
We are hiring passionate and enthusiastic content writers who can create original stories. If you are interested in full time, part time or freelancing, email us at [email protected]. You need to work a 5 hour shift and be available to write articles. Kindly include your sample articles. Applications without sample articles will not be encouraged.